Pwede ba akong ipitin ng agency kapag nag backout?

Hindi ko po masagot ang inyong katanungan dahil sa hindi ko po alam kung ano ang nilalaman ng placement contract na inyong pinirmahan. Usually po kasi, nakalagay po sa placement contract kung ano ang mga babayaran ninyo kung hindi kayo nai-deploy dahil sa nag-back-out kayo, o kung dahil sa rejected kayo dahil sa medical reason.

Sa totoo po, kung nagka-gastos na ang agency dahil sa sila ang nagbayad ng inyong medical, dapat ay bayaran ninyo sila noong kanilang ginastos dahil sa hindi naman sila kikita kung hindi kayo matutuloy na mag-trabaho abroad.

Kung nais po ninyong makuha ang inyong passport, dapat po ay bayaran ninyo ang mga ginastos ng agency kung meron silang ginastos para makuha ninyo ang passport ninyo. Kung kayo naman ang nagbayad ng passport ninyo, at ito ay inyong sinumbmit sa kanila, puede po nilang hawakan ang inyong passport hanggang sa mabayaran po sila noong rasonable nilang ma ginastos para sa inyo.

Para po kayo ay mapanatag, ang pinaka-maigi po ay dalhin ninyo ang lahat ng inyong mga papeles sa Public Attorney's Office. Kausapin po ninyo ang mga abogado doon, humingi kayo ng payo tungkol sa mga karapatan ninyo sa ilalim ng placement contract na inyong pinirmahan. Puede din kayong humiling na igawa nila kayo ng demand letter para maibalik sa inyo ang inyong passport.

Hindi ko po kasi nabasa ang inyong pinirmahan kaya hindi ko masabi kung anu-ano ang inyong mga karapatan.

Ako po at nag apply bilang DH ,nakapagpirma na din po ako ng contrata , hindi ko po natuloy ang pag alis ko dahilan po sa nagkasakit ako ng endometrial Hyperplasia at nagkableeding po ako .. Tapos pinipilit po ako that time ng agency ko na e deploy ako dahil po sa hinihintay ako ng employer ko ,pero di ako natuloy dahil sa natakot ako sa sakit ko gawa ng pagbebleeding ko , dahil nung nagpa check up ako sa OB ko sabi ng doctor ko kailangan ko po mag medication 3months at need ko po nang follow up check up .. Tapos tinatakot ako ng agent ko na kapag hindi daw ako matuloy kakasuhan daw ako .. Totoo po ba yun na makakasuhan ako?