Una sa lahat, tama sila na may kasong kriminal na cyberlibel.
Ang cyberlibel ay ang paninirang puri laban sa isang tao gamit ang kahit na anong information and communication technology tulad ng text, post sa social media at email.
Pangalawa, ang kasong ito ay puedeng i-file ng nasaktan (complainant) sa Pilipinas. Kaya nga lang, kung ang respondent (ang naglagay ng mapanirang puri sa social media) ay nasa ibang bansa, walang kapangyarihang pauwiin ang complainant.
So, ang gagawin ng babae ay, hihintayin na ang passport or working visa mo ay mag-expire. At iyong panahon na nandito ka sa Pinas, ikaw ay ipapa-dakip at dito ka na haharap sa paglilitis.
Baka hindi naman alam ng babae na ang adultery ay isang krimen din? kaya, kung maymai-kakaso siya sa iyon, may mai-kakaso ka rin sa kanya? Iyon na nga lang, pati ang asawa mo, kailangan mong idemanda sa asuntong adultery. Kasi, hindi naman puedeng mag-adultery ang iisang tao.
Ang pinaka-maigi, ikaw ay dumulog sa isang abogado. Kailangang ikaw ay humingi ng payong legal sa isang taong mapag-hihingahan mo ng lahat ng nangyari. Hindi puede dito sa internet. Hindi ako abogado mo. Ako ay taga-sagot lamang ng mga katanungang legal.
Sino ba ang nagsabi ng: "Don't get mad, get even"? Pero, kung sa kasabihan at kasabihan lang naman, sabi ni Hesus, "Love your enemies. Do good to them that hate you and that despitefully use you."
Ang pinaka-maigi ay huminahon ka muna. Mag-usap kayong mag-asawa. Kung talagang wala nang puwang pa na kayo'y magkasundo, sabihin mo lamang sa kanya na kung hindi niya pipigilan ang kanyang babae na magdemanda, mapipilitan ka ring mag-demanda at pati siya at masasama sa asuntong adultery (dahil kasal kayo, diba? O mali ba ako?)
Pumunta sa abogado sa lalong madaling panahon.