May kaso RTC for Article 315, Estafa, Swindling. Huhulihin ba ako sa airport pag 10 years na nakaraan archive

Kung naka-archive na ang kaso mo, kailangan pang mag-file ang complainant ng Motion to Revive. So, unless and until ipa-revive ito, kung dati ay may warrant of arrest laban sa iyo, ang warrant of arrest ay may expiry date. So, kung ten years na naka-archive, then, whatever warrant of arrest has already expired.

Of course, ito ay theoretical lahat. Kung malakas at may kakilalang pulis ang iyong pinag-kaka-utangan, napaka-dali kasing magsama ng pulis sa airport, ikaw ay abangan at hulihin para kikilan kahit na ikaw ay wala namang warrant of arrest. I'm not saying that this happens -- it might happen.

So, bakit hindi pa ikaw na lamang ang magpa-activate noong kaso? Kumuha ka ng abogado, mag-motion ka na babayaran mo na lamang ang halaga noong hinihingi noong complainant? Ang problema lang dito, baka hingan ka pa ng interest sa 10 years na ang kaso'y naka-archive.

Puede din naman na umuwi ka, kausapin mo ng maayos ang complainant, at mag-ayos kayo. Ang problema nga lang nito, kung basta mag-aayos kayo at walang kasunduan na iuurong na niya ang kaso dahil sa bayad na ang halaga, baka paghigantihan ka at ipa-revive ulit ang kaso kahit nakabayad ka na.

Ang maganda kasi na sa husgado kayo magka-ayos, ay tuluyang madi-dismiss ang kaso at alam ng hukuman ito. Double jeopardy will attach -- hindi na ulit puedeng magdemanda laban sa iyo ang complainant.

Best thing: get yourself a lawyer who practices criminal law para siya ang makapag-bigay sa iyo ng detailed advice. kasi dito sa akin, kung ano lang ang mga facts na iyong ibahagi ang alam ko. Best to get a lawyer you can confide in.

salamat po nang marami atty.Bimbi.. isa nalang pong tanong po kong ako po ay umuwi at makakabalik po ba ako uli ditto sa bansa na pinagtatrabahuhan ko di po kaya ako may hold order mula sa court?kasi po hihingi lang ako bakasyon at ang ibibigay lang po ay isang buwan nang company ko, uuwi po ako para iwan sa kapatid ko ang pera na pambayad at para pabuksan ang kaso uli...pinag aalala ko po baka kasi di na ako makabalik at ma hold ako sa airport nang Immigration salamat po uli nang marami.