Magkakakaso po ba ako pag hindi nagbayad ng utang?

Kung ika'y ay may pinirmahang kasulatan ng pagkakautang o promissory note, o kaya'y ikaw ay nag-issue ng mga post-dated checks, maaari kang kasuhan ng sibil upang maningil at maka-kolekta ang iyong pinag-ka-utangan.

Kung halimbawa'y ikaw ay nag-bigay ng ari-ariang iyong prinenda (titulo, or kaya'y OR/CR ng sasakyan o mga alahas), maaaring i-foreclose noong pinagka-utangan mo para maipagbili niya ang mga ari-ariang iyong iprinenda at nang maka-kolekta naman siya noong hindi mo pa nababayaran na bahagi noong iyong inutang.

Kung ang tatanungin mo naman ay ikaw ba ay maaaring sampahan ng hablang kriminal, maaari kang sampahan ng violation ng B.P. 22. Pero, puede din naman na ikaw ay sampahan ng hablang estafa. kapag estafa ang habla laban sa iyo, ang sasabihin noong pinag-ka-utangan mo, niloko mo siya upang ikaw ay pautangin.

Ngayon, ang mga sagot na ito ay ang mga MAAARING mangyari. Ngunit, hindi ko sinasabiing mangyayari nga. Hindi ko alam ang puno't dulo ng iyong kuwento. Hindi ko nakita ang mga dokumento mo. Ang pinaka-maigi ay ikaw ay komunsulta sa isang abogado na iyong pinagkakatiwalaan. Mas makapag-bibigay ng payak na payo sa iyo ang isang abogadong nakausap mo ng personalan at iyong abogado ay nakit at nabasa ang mga dokumento mong hawak.