May karapatan bang maghabol ang ibang kapatid kung walang paalam na linagay sa pangalan nila ang lupa?

Hindi mo kasi nabanggit kung ano'ng klaseng award ang ibinigay ng gobyerno sa mga magulang mo. At hindi ko din naman nakita ang mga papeles.

Ganito kasi iyon. Kalimitan, ang mga ari-ariang nakamtan ng mga magulang habang sila'y buhay pa, ay mapupunta sa kanilang mga anak (hati-hati) kapag sila'y namatay na. Hindi ko alam kung ano ang nangyari, kung bakit ang awardee naman ay magulang ninyo pero ang titulo ay nai-issue sa pangalan lamang ng dalawa ninyong kapatid.

Maaaring sila ang nagbigay ng pang-gastos sa inyong mga magulang, o kaya'y pina-unahan nila ng pambayad ang inyong mga magulang kung kaya't napunta sa mga magulang ninyo ang lupa. Hindi ko alam. Wala kasing linaw masyado ang post mo.

Baka naman pina-utang nga mga kapatid mo ang iyong mga magulang na ginamit nila sa pagpapa-ospital o kaya'y pagpapalibing, o kaya'y pinam-bayad sa mga utang ng iyong mga magulang at ang kapalit noong halaga ay ang lupa. Hindi ko alam.

Ang pinaka-maigi ay mag-usap kayo. At ikaw ay komunsulta sa isang abogado, humingi ng payo na dala-dala mo ang lahat ng documento patungkol sa award na ibinigay ng gobyerno sa iyong mga magulang.

Kung napatunayan na minaniobra nila o pinalsipika nila ang mga papeles upang palabasin na sa kanila pinamana ang lupa, kung kaya't naipa-issue nila ang titulo sa kanilang dalawa, malamang sa magkaka-demandahan pa kayo.

Ang problema lang nito, baka kayo magka-gastos ng malaki para habulin ang inyong parte doon sa lupa, tapos naman pala, ang halaga ng lupa ay maliit lang, o mas maliit pa doon sa maaari mong gastusin para habulin ito -- eh, baka mas mabuting bumili ka na lamang ng sarili mong lupa.

Pero, talagang ang mga kapatid ay dapat na share and share alike ang hatian sa mga ari-ariang naiwang ng kanilang mga magulang unless na may last will and testament. Kumausap kayo ng abogado at nang maka-kuha kayo ng payong legal.