May karapatan po ba ang mga apo na magpatayo ng bahay o mga anak lang sa lupain?

Naku, hindi ko po kayo masasagot ng mainam. Una, hindi ko alam kung sino ang may-ari o registered owner ng lupa. Pangalawa, hindi ko alam kung ano ang ibig sabihin ninyo ng "magpatayo ng bahay".

Kasi po, ang mga squatter, basta nagpapatayo ng bahay kahit hindi sa kanila ang lupa, so, kahit na sino, basta malakas ang loob at medyo makapal ang mukha, puedeng gawin ito. Ngayon, kung ang magtatayo ng bahay ay apo o anak ng may-ari, siguro ay iniisip nilang sa kanila din naman mapupunta ang lupa balang araw kung mamatay ang kamag-anak nila na may-ari. So, baka iyon ang dahilang kung bakit malakas ang loob nila.

Kung ang tanong ninyo ay "karapatan" ang karapatan po ay protektado ng batas. Sa ilalim po ng batas, tanging ang may-ari ng lupa ang may "karapatan" na magtayo ng bahay sa kanyang lupa. Iyong nga lang, kung pahihintulutan ng may-ari na magtayo ng bahay ang apo o anak, well, kung mamatay na ang may-ari at ito'y ipasa na niya sa kanyang mga heirs o tagapag-mana, baka hindi pumayag ang mga tagapag-mana na sila'y patuloy pang tumira doon. So, dapat kumilos ng legal ang mga tagapag-mana para mapa-alis ang mga apo at anak na tumira doon sa ilalim lamang ng pahintulot ng may-ari lalo na't patay na ang may-ari.

Masalimuot po ang tanong ninyo. Kailangan ninyong kumausap ng abogado.