Paano po proseso sa pag file ng annulment?

Una sa lahat, kailangan po ninyong kumuha ng abogado. Wala pong do-it-yourself na annulment sa ating bansa. Kailangan po ninyong mag-file ng petisyon sa husgado. Kailangan po ninyong humarap sa husgado at susubukan ng husgadong kayo'y pagka-sunduin. Haharap din po kayo sa Prosecutor at kayo'y iimbestigahan kung kayo'y nagsabwatan ng inyong asawa at gumawa lamang nga dahilan upang ma-annul ang inyong kasal.
Kailangan po ninyong humarap at maghain ng ebidensiya, mga dokumento at mga testigo upang mapatunayan ang mga kadahilanan kung bakit kayo nagpapa-annul ng inyong kasal. Kailangan po ninyong komunsulta sa isang psychiatrist or psychologist upang mapatunayan ang psychological incapacity kung ito ang grounds ng inyong kasong annulment.

Kung halimbawa'y ang ground ninyo'y kayo'y binubugbog, kalimitan ay mga medical records, at mga police records, mga litrato na kayo'y duguan, sugatan o may mga pasa. Marami pong mga hakbang bago ma-annul ang kaso, kailangan ninyo ng abogado. At ang proceso ay dedepende sa kung ano ang mga kadahilanan na kayo'y nagpapa-annul.