Land Title or Pamana: Ano ang i-honor ng korte, titulo o last will?

anonymous
This person has chosen to hide his/her identity.

Gusto ko lang po sana humingi ng legal advice. About po sa Land Title or Pamana po. Hindi ko po alam ang exact term. Ikwento ko na lang po.


Yung tatay ko po, may dalawang kapatid, tatlo po sila (3). Isa po sa kanila babae. Patay na din po ang parents nila. Una po namatay ang lola ko. Sunod po ang lolo ko.


Since first po. Wala po Titulo ang lupa.

As in wala po talaga.


Bago po namatay ang lola ko. Usapin na po yung lupa. Pero hindi pa din po nagagawan ng titulo.


Then nung namatay po ang lola ko. After 2 years napagkasunduan po yung paghahati ng lupa. Na divide po sa tatlo. At nagawan na po ng title. Ayos at okay na po. Kami po ng parents ko ang gumastos. As in lahat lahat po.


3 Titles


Tatay ko.

Pamangkin ng lolo ko.

Kapatid na babae po ng tatay ko. (pangalan po ng lolo ko ang nakalagay sa nagawang titulo) / (may habol po ba kami dito if ever, kasi po nakapangalan po sa nagpamana eh)


May mga witnesses din po na nakapirma dun sa kasunduan po. Pero wala po dun yung kapatid na lalaki ng tatay ko. Kasi po ang sabi po nya. "Wala na daw po syang habol dun" kaya d na po sya pumirma.


Pero ngayon po.. Naghahabol po sya..

Nag send po ng "Demand Letter" ang municipal sa amin.


Then malakas po ang loob nya. Kasi po kasabwat po nya yung kapatid na babae ng tatay ko.


Dun po sa demand letter may kasama po na document copy ng last will or katibayan (pirmado po ng lolo ko) na yung lupa po ay pinamana lang po sa kapatid na babae ng tatay ko. (eh wala naman po titulo yung lupa na ipapamana, kami pa nga po ang nagpagawa)


Tama po ba yun? Dati po ndi sya nakikialam. Tapos ngayon po, gusto nya ipa Void yung Titulo po. Dahil wala po syang nakuha na share/parte.Bakit po nila kami pinagastos para po mapagawa ang title. Eh mayroon po pala clang hawak na ganun.


Ano po ba ang i-honor ng court?


Titulo po ba na kakagawa pa lang po or yung Last Will po?


Pwede din po ba namin balewalain yung demand letter. Kasi po tapos na e. May title na po. Nakapangalan na po sa tatay ko. Ginugulo pa po kami.


Salamat po.

 

Reply as anonymous (Your real name and picture will not be seen)
Adelaimar C Arias-Jose
is a Legal expert in the Philippines
Naku, masalimuot ang iyong situwasyon. Let me help you understand it a bit.

First, ang isang pirmadong dokumento ng isang taong namatay, kahit na ito'y naglalaman ng mga habilin bag siya mamatay, ay hini maiko-considerang tunay o valid na last will and testament ng namatay hanggang sa ito'y hindi napapatunayan sa husgado.

Dalawa ang uri ng last will and testament sa Pilipinas: ang notarial will at ang holographic will. Ang notarial will ay iyong uri ng huling habilin na isinagawa sa harap ng notaryo publiko at pinirmahan ng naghahabilin pati na ang mga testigo niya sa harap ng notaryo publiko.

Ang holographic will ang isang testamentong isinulat-kamay ng namatay na nagpapamahagi ng kanyang mga ari-arian.

Ang dalawang mga uri ng habilin o testamentong ito ay kailangang dumaan sa probate proceedings bago pa man ito maging binding sa mga heirs at laban sa buong mundo.

Pangalawa, ang last will and testament ay hindi maaaring maging legal o valid kung ang mga ari-arian ng namatay ay ibinigay sa ibang tao na hindi naman niya legal heirs. Ibig sabihin, kung ang lupa ay nasa pangalan ng tatay mo, ang tagapag-mana nito ay ang kanyang legal spouse at legitimate at illegitimate children. Hindi maaaring bigyan ng mana ang kapatid ng namatay kung hindi din bibigyan ng pamana ang mga anak.

Pangatlo, kung ang iyong kapatid o iyong tiyahin o sinumang nagke-claim ng lupa ay testigo sa testamentong pinirmahan ng namatay, hindi sila puedeng mag-mana. So, tignan ninyong maigi. Puede din ninyong kuwestiyunin ang pirma o lagda ng namatay kung ito nga ba ay genuine or fake. Sa NBI Questioned Documents division kayo pupunta para maipa-compare ang lagda ng yumao ninyong ama.

Pang-apat, dahil sa dumaan na kayo sa proseso ng pagpapa-titulo ng lupa sa ilalim ng sistemang Torrens, ang tituto Torrens ay enforceable as against the whole world. Ito ay hindi puedeng atakihin collaterally. Ibig sabihin nito, hindi puedeng gawing isyu sa probate court kung saan nililitis ang validity ng testamento, ang isyu ng validity ng titulo sa lupa.

Kung aatakihin ng ibang tao ang inyong titulo, kailangan nilang pumunta sa husgado ay mag-file ng petition para ipa-nullify ang titulo Torrens ninyo. Kailangan nilang patunayan na may Fraud, Accident, Mistake or Excusable Neglect noong mai-issue ang titulo sa inyo.

Panglima, ang prosesong pagpapa-titulo ng lupa ay isang action in rem (it is against the whole world). Ibig sabihin nito, ipinapaskil sa lupain ang pagpapa-survey o pagpapasukat nito. Ipinapaskil din sa lupain ang paglilitis dito. Ito ay inilalathala sa pahayagan para ang lahat ng may mga interes sa lupain ay magkaroon ng pagkakataong dumulog sa husgado upang mag-file ng OPPOSITION laban sa pag-i-issue ng titulo torrens sa inyo.

So, tatawid ng pitong bundok ang sinumang magpapa-titulo, kung kaya't ang tatayo upang sabihing huwad ang inyong titulo ay kailangan ding tumawid ng pitong bundok upang patunayan na huwag ang inyong titulo.

Pang-anim, may hangganan ang karapatang kumuwestiyon sa isang titulo torrens. Isang taon mula sa pagkaka-issue ng decree of registration, hindi na puede pang i-review o i-reopen ang registration proceedings. Basahin ninyo ang Section 32 ng PD 1529

Sec. 32. Review of decree of registration; Innocent purchaser for value. The decree of registration shall not be reopened or revised by reason of absence, minority, or other disability of any person adversely affected thereby, nor by any proceeding in any court for reversing judgments, subject, however, to the right of any person, including the government and the branches thereof, deprived of land or of any estate or interest therein by such adjudication or confirmation of title obtained by actual fraud, to file in the proper Court of First Instance a petition for reopening and review of the decree of registration not later than one year from and after the date of the entry of such decree of registration, but in no case shall such petition be entertained by the court where an innocent purchaser for value has acquired the land or an interest therein, whose rights may be prejudiced. Whenever the phrase "innocent purchaser for value" or an equivalent phrase occurs in this Decree, it shall be deemed to include an innocent lessee, mortgagee, or other encumbrancer for value.

Upon the expiration of said period of one year, the decree of registration and the certificate of title issued shall become incontrovertible. Any person aggrieved by such decree of registration in any case may pursue his remedy by action for damages against the applicant or any other persons responsible for the fraud.

INCONTROVERTIBLE -- ang ibig sabihin ay matibay at hindi na puede pang kuqwestiyunin sa husgado.

Ang pinaka-maigi ay komunsulta kayo sa isang abogadong ito ang specialization. Good luck sa inyo.

About the author

Adelaimar C Arias-Jose

I am a graduate of the UP College of Law. Member of the Integrated Bar of the Philippines since 1995. I am currently involved in private practice in criminal, civil and labor law.
Profession: Lawyer
Adelaimar C. Arias-Jose
Office Address: #34 St. Michael Street
Philippines , Manila , Makati
The medical information contained in this section is not intended for treatment or prescription. It is used to complement, not replace, the communication between a patient and their physician. Reliance on any information provided by BuhayOFW or any medical experts is solely at your own risk. If you have a medical emergency, call your doctor or go to the hospital immediately. BuhayOFW's Medical Review Board is a team of board-certified doctors who ensure our content is medically accurate and reflects the latest in health information. Our experienced board of medical professionals verify that our content is thorough and all-inclusive, in order that you can trust the information you read here will help you through improvements in your health journey—whether that’s for yourself or for a loved one.

Disclaimer: The materials available in the Buhay OFW web site are for informational purposes and not for the purpose of providing legal advice. You should contact your attorney to obtain advice with respect to any particular issue or problem. Use of and access to this Web site or any of the e-mail links contained within the site do not create an attorney-client relationship between Buhay OFW and the user or browser.

If you are a legal expert who would like to help answer questions, please register here.