Pwede po ba ipagpatuloy ng ibang abugado ang nasimulan ng annulment

Ang kliyente po ay may karapatang bumitaw sa kanilang abogado sa kahit na anong dahilan at sa kahit na anong yugto ng paglilitis. Kung hindi na kayo nasisiyahan sa serbisyo ng inyong abogado, maaari kayong magpalit ng bagong abogado.

Hindi na kailangan pang mag-umpisa muli ng bagong kaso. May mga abogadong pumapayag na saluhin ang mga kasong naumpisahan na ng ibang abogado. May mga abogado namang ayaw sumalo ng mga kasong naumpisahan na ng iba dahil sa minsan, mas may alam sila doon sa naunang abogado at ang mga basehan ng demanda o depensa sa kaso ay mahina o hindi matatag kung kaya't natatakot ang bagong abogado na ito'y saluhin dahil sa baka matalo ay sisihin pa sila samantalang ang mga papeles na katulad ng Petition kung saan nakasaad ang mga basehan ng kaso ay may depekto dahil sa kahinaan, kawalan ng kakayanan o sa kapabayaan noong naunang abogado.

Ito lamang ang nakikita kong problema ninyo kung kayo'y magpapalit ng abogado.

Maaari namang mas magaling ang inyong unang abogado, kung kaya't ang kanyang mga ideya ay hindi ma-arok nitong bago ninyong kukuhanin ninyo. So, good luck po sa inyo. Sana'y makahanap kayo ng makakasundo ninyong abogado na matino at may malasakit, mapagkakatiwalaan at mahusay na kasama sa pakikibaka.