Totoo bang hindi pwedeng iparehistro ang kasal ng foreigner at pinay?

Medyo naguguluhan ako sa kuwento mo sa iyong post. So, here's what I understood: there is a foreigner who wants to marry a Filipina, but, previously, he was married to another Filipina whom he had divorced. Ganoon ba?

Ganito kasi iyon, ang batas ukol sa kasalan at sa hiwalayan sa ating bansa ay may collective schizophrenia -- malayo sa realidad ng ating mga panahon. Hindi pinahihintulutan o tinatanaw ang diborsiyo dito sa Pilipinas.

Kung dalawang Pilipino ang magpakasal at di kalauna'y sila'y magdiborsiyo, ang kanilang diborsiyo ay hindi tatanawin sa Pilipinas. Sa ibang bansa sa buong mundo, tatanawin silang dibosiyado sa isa't isa, pero, sa Pilipinas, nakatali pa rin sila sa isa't isa.

Kung ang isang Pinay ay magpakasal sa isang foreigner, at di kalauna'y sila'y mag-divorce, kapag ang writ of divorce ay ipapa-rehistro sa Pilipinas, and divorce ay tatanawin ukol sa foreigner, pero ang Pilipinong asawa, kahit diborsiyado na, sa matas ng batas ng Pilipinas, siya'y kasal pa rin sa foreigner kung kaya't hindi siya puedeng magpakasal sa iba.

Unfair, diba? Pero, iyan ang realidad at ka-hipokritohan ng ating mga batas.

So, ang foreigner sa iyong kuwento ay dating nagpakasal sa Pina na kanyang diniborsiyo na. Gusto ulit ng foreigner na magpa-kasal sa panibagong Pinay na kanyang napupusuan. Ano ang kanyang puedeng gawin?

Huwag magpa-kasal sa Pilipinas. Huwag magpa-rehistro ng bagong kasal sa Pilipinas. Sa ibang bansa sila magpa-kasal para hindi na magka-problema sa hinaharap. O kaya, ipa-rehistro ang naunang writ of divorce sa Pilipinas. Dahil sa absurdity ng ating mga batas, ang foreigner ay malayang magpakasal muli dito sa Pilipinas pero ang Pilipinang dating asawa niya, kasal pa rin sa foreigner -- kamangha-manghang situwasyon, ano? Iyan ang realidad sa bansang ito.

Sumulat kayo sa congressman at senador na inyong ibinoto -- ipagpilitan na kailangang magkaroon na ng batas ukol sa diborsiyo. Humanap kayo ng abogadong experiensado sa mga diborsiyo na ipina-rerehistro sa Pilipinas upang makapag-consulta kayo at makahingi kayo ng opinion o payo.