Hindi ko maintindihan ang ibig sabihin mo ng "makuha" -- ibig sabihin mo'y i-petition ang boyfriend mo para makasama mo sa Japan?
Una sa lahat, ang requirement na dapat ay at least 18 years old bago magpa-kasal ay applicable lamang sa mga Pilipino citizens. dahil sa ikaw ay Japanese citizen, hindi ko alam kung ano ang legal age na puedeng magpa-kasal sa Japan. Kung ang marrying age sa Japan ay 21, hindi ka puedeng magpakasal sa Pilipinas hangga't ikaw ay hindi 21.
Hahanapan ka kasi ng birth certificate bago ka isyuhan ng marriage contract at marriage certificate. Nag-aaply ka pa lang para sa isang marriage certificate, hihingan ka na ng birth certificate. Kung ang birth certificate mo nakalagay na ikaw ay Japanese citizen, ikaw ay hihingan ng certificate of no impediment. Ito ay isang documento mula sa Japanese Embassy na nagpapatunay na walang balakid para ikaw ay magpakasal sa Pilipinas.
Kung 18 years old din ang marriageable age sa Japan, puede kang magpakasal sa Pilipinas. Sa tanong mo kung puede mong kuhanin ang iyong asawa, siguro'y ang ibig sabihin mo'y kung puede mo siyang i-petisyon para maisama mo sa Japan? Hindi ko masasagot iyon dahil sa iyon ay dedepende sa mga batas sa immigration ng Japan.
Kung ang iyong boyfriend ay wala pang 18, kahit na puede sa ilalim ng Japan na siya'y dalhin mo sa Japan, hindi naman siya puedeng magpakasal sa iyo dito sa Pilipinas. At kung siya'y magta-travel abroad na siya'y menor de edad pa, kailangan mo ng clearance mula sa DSWD at consent mula sa kanyang mga magulang.
In fact, sa Pilipinas, kung ang isang tao ay between the ages of 18-21, kailangan pa niya ng parental consent. Kung ang ikakasal naman ay between the ages of 22-25, kailangan ng parental advise.
Masalimuot ba? Ang payo ko sa iyo ay maghintay na muna. You are far too young to be married at the age of 18 kahit na true love pa iyan. Isipin mo muna ang kolehiyo, pagta-trabaho, etc. Sorry sa unsolicited advice, pero napakaraming mga taong humihingi ng advise para sa annulment na ikinasal noong sila'y napaka-bata pa. Pinagsisisihan nila na sila'y nagpakasal ng masyadong maaga. ito ang dahilang kung bakit nasabi kong maghintay na lang muna.
Besides, true love can wait. The acid tests of love are time and distance. If your love can survive these two acid tests, yours is a mature kind of love and it means you are ready for the demands of marriage. Kung hindi, naku, baka pagsisihan mo lamang iyan.
Good luck sa iyo! Pasensiya kung ako'y nanghihimasok.....nagtanong ka kasi sa akin.
