Na deport from Saudi Arabia airport galing Philippines

Naku, amoy anomalya iyan. Paano'ng ang visa mo ay ginamit ng iba? Hindi ba't ang visa ay inilalagay sa passport? paano'ng ang passport mo ay nasa iyo, may visa ka, pero may visa din na na-issue na kapareho sa iyo pero sa passport ng ibang tao?

Malabo iyan. Ano po ang sabi sa inyo ng agency? Bakit daw po nagka-ganoon? Kasi po, ma-anomalya iyan.

Nasa inyo pa po ba ang inyong passport? Naku, maghanap na po kayo ng ibang agency na medyo mas marangal. Mahirap po na kayo'y masangkot sa ganyang problema. Napaka-suwerte po ninyo na kayo ay denied entry lang sa Saudi Arabia at kayo'y hindi ikinulong. kasi po, kung ang inyong visa ay may ibang gumamit na nauna na sa inyo, lumalabas na fake na iyong visa ninyo. Napaka-suwerte po ninyo na kayo'y hindi nakulong dahil sa problema sa visa.

Sa pagkaka-intindi ko po kasi, pumapasok sa "fraudulent travel document" yung visa ninyo kung ang iisang visa ay sa dalawang tao nai-issue. At dahil sa kayo iyong nahuli na naka-pasok, iyong inyo ang hindi katanggap-tanggap.

Mag-verify po kayo muna sa POEA, mag-verify din po kayo sa Saudi Arabian Embassy. Huwag po muna kayo magpa-process ulit sa same na agency na iyan until makapag-explain sila ng matino sa inyo kung ano ang nangyari. Mas maigi pong kayo'y kumuha ngabogado, kayo'y maghain ng demanda laban sa agency kasi po, naka-pirma na kayo ng employment contract, kayo'y naka-alis na, pero, may problema pala sila. Ito'y kasalanan nila, hindi ninyo kasalanan ito, kayo lamang ang naputukan. So dapat, kung magpapa-process ulit, dapat, gastos nila.

Magpasama po kayo sa abogado at nang medyo matino ang pakiki-tungo sa inyo ng inyong agency.