Fire in Japan insured? Di po ba insured mga ofw?

Hindi ko tuwirang masagot ang iyong katanungan.
1.Hindi ko alam kung ang iyong husband ay nagta-trabaho under a POEA- approved contract of employment. Mahalaga ito dahil sa dito naka-saad kung siya ba ay may insurance benefit o wala.

2. Hindi ko alam kung ang husband mo ay pinatitira ng company as part of his compensation package (kasama sa suweldo ang libreng tirahan).

3. Malamang sa kung ang property ng company ang nasunog, may insurance ito pero ito ay property insurance na ang beneficiary ay iyon ding company. Hindi marahil ang asawa mo ang makikinabang sa insurance na iyon na company ang nagbayad para ma-protektahan sila kung masunugan.

4. Ang lahat ng mga ito ay masasagot kung makikita mo ang contract of employment ng asawa mo. Dito kasi nakalagay ang mga benepisyo niya in case na may sakunang mangyari sa kaniya.

5. Kung may personal na insurance ang asawa mo (halimbawa ay life or accident insurance) malamang sa kung ang claim niya ay para sa mga nasira or natupok na mga gamit, hindi ito compensable (o mababayaran sa ilalim ng isang life o accident insurance). Property insurance ang nagko-cover sa mga loss of property due to fire.

6. Kung may property insurance ang asawa mo, iyon lamang value ng kanyang mga natupok na gamit ang maaari niyang i-claim. Usually kasi, ang kumukuha ng property insurance ay iyong may mga magagarang bahay or di kaya'y may mga istrukturang pang-negosyo na may mga kagamitan, kasangkapan o makinaryang mamahalin na kung masunog ay kailangan ding mapalitan sa lalong madaling panahon upang makapanumbalik sa sigla ang negosyo.

Kung walang ibang mga detalye kang maibibigay, mahirap akong magsabi kung siya ay may makukuhang benepisyo sa ilalim ng insurance. Kasi ay hindi man lamang natin alam kung may insurance siyang personal o kaya naman ay kung may insurance ang kanyang amo na pati mga gamit ng iyong asawa ay kasama.

Sorry that I cannot be of much help -- you need to provide the details.

Dagdag pa:

Ang insurance sa ilalim ng OWWA ay life insurance o accident insurance. Kung hindi napinsala ang asawa mo dahil sa sunog, wala siyang makukubra. Kung and gusto niyang ma-kubra ay ang tumbas na halaga ng mga gamit niyang nasunog, hindi siya makaka-kubra mula sa OWWA dahil sa life insurance or accident insurance lamang ang covered ng OWWA.

Pati naman mga contract of employment, ang kalimitang mga insurance ay life at accident o dismemberment lamang, bihira iyong pati property nila ay kasama sa insurance.