Pwede ba masampahan ng kaso dito sa Pilipinas ng breach of contract sa ibang bansa?

Teka, hindi kasi masyadong maliwanag ang kuwent. Ikaw ay isang OFW. Noong ikaw ay nasa ibang bansa, ikaw ay nangutang. Ngayon, ikaw ay umuwi na sa Pilipinas, naiwang ang iyong utang at hindi na nabayaran. so, ang tanong mo, kung puede kang habulin dito sa Pilipinas at dito ka i-demanda ng estafa.

Una sa lahat, depende sa nakalagay sa loan contract ninyo. kasi, may mga kontrata na ang nakalagay ay, kung magkakaroon ng demandahan dahil sa kontratang iyon, puede lamang magsampa ng kaso sa X na bansa. Kung nakalagay na maaaring dito sa Pilipinas maghabla, eh, di, puedeng mahabol ka dito sa Pilipinas.

Pangalawa, ang estafa ay isang kasong kriminal. Kalimitan, ang mga criminal acts ay dapat dito ginawa sa Pilipinas. Sa estafa kasi, kailangang ang panloloko ay ginawa noong ang kontrata ay isinagawa. Kumbaga, niloko mo ang tao na ikaw ay pautangin at gumamit ka ng mga matatamis na mga salita. Kung ang kontrata ay doon isinagawa sa ibang bansa, doon nangyari ang panloloko, doon sa ibang bansa lamang puedeng isampa ang kasong kriminal. Pero kung ang kontrata ay dito isinagawa o kaya'y ang panloloko ay dito isinagawa, dito sa Pilipinas puedeng magdemanda ng hablang criminal.

Kung ikaw ay hahabulin dito sa Pilipinas, mas madadalian sila kung kasong sibil ang kanilang isasampa para bayaran mo ang utang. Ang pinaka-maigi ay komunsulta ka sa abogado. Hindi ko naman kasi nabasa ang inyong kontrata at malabo nga ang kuwento mo. so, hindi ko talaga alam at batid ang mga nangyari. Kumbaga, hypothetical lamang ang tanong na ito dahil sa kulang sa mga facts.