Ah, magulo ang kwento. Una, mahirap ma-xerox ang bahay, baka titulo ng bahay. Ang titulo ba ng bahay ay nasa pangalan mo o ng tatay mo? Pangalawa, may special power of attorney ba ang tatay mo? May kapangyarihan ba siyang ibenta ito?
kasi, kung ang titulo ay nasa pangalan mo, at walang SPA ang tatay mo, tanong ko lang sa bumibili -- may sira ba ang ulo niya? Bibili siya ng bahay mula sa isang taong hindi naman nag-mamay-ari at walang SPA? Hindi siya buyer in good faith.
Dahil sa ang tatay mo ang tumanggap ng downpayment -- downpayment -- hindi earnest money? Magkaiba kasi ito, eh. Ang downpayment ay kasali sa purchase price. Ang earnest money ay bayad para ang isang lupa ay ipangakong ibebenta sa isang tao at hindi na ibebenta pa sa iba. Iyong earnest money, usually, hindi na kailangang ibalik kahit na hindi magkatuluyan ang bentahan eventually kasi, iyong earnest money ay pambili ng panahon at pangako, hindi ito pambili noong lupa mismo. Ang downpament ay iba. Ito ay bahagi ng purchase price na iyong unang ibabayad para ipakita ang iyong willingness at kakayanan na magbayad noong kabuuan.
Kung hindi nanay mo ang nakatanggap noong P300,000 hindi dapat siya ang magbayad. Dapat ay ang tatay mo ang harass-in noong bumibili, sila ang nag-usap, eh. Sila ang may privity of contract. Ikaw at ang nanay mo ay labas sa usapang ng tatay mo at noong buyer.
Kung alam ko lang ang buong mga pangyayari (ang alam ko lamang ay ang version mo, ha? Wala akong nakitang mga dokumento, hindi ko alam kung ano talaga ang lahat ng mga nangyari) sasabihin kong, kung malakas ang loob ninyo, hamunin ninyong magdemanda na lamang. Kasi, makikita na hindi sila buyer in good faith, na may sabwatan sila ng tatay mo at ang tatay mo, na siyang nakatanggap noong salapi ang dapat managot, hindi kayo ng nanay mo. Problema na ito ng tatay mo.
Kaso, alam mo naman sa Pinas -- kung lupa sa paso, pinag-aawayan, bahat ay lupa pa? Mag-ingat. people have hired hitmen na riding in tandem over smaller things.
It would be best for you to contact a lawyer to whom you can divulge all the details and make disclosures about the entire transaction. I cannot give you legal advice here. I can only tell you what the law says. I am not giving legal advice. Get a lawyer.