Problema sa taong ayaw umalis sa lupang pag aari namin
Sa ating mga butihing abogado nais ko po sanang idulog ang isang problema na aming kakaharapin, may naibenta po sa aming parte ng lupa na isa sa mga binebenta ng mag asawang Doctor, titulado at ok naman po ang tax declaration ngunit sa lupa na ibinenta samin ay may mga nakatanim na kaunting gulay at saging, ang mga ito'y pagaari ng unang tao na inalok ng mag asawang Doctor, sa kadahilanang hindi naman binabayaran ng nasabing tao yung lupa kaya't napagpasyahan ng Doctor na ibenta na sa iba at kami nga po ang nakabili. Nakausap namin ang tao at may kumalat na balita daw na ang mga lupa ay walang titulo at nakuha na ng CARP kaya ayaw pa po niyang umalis sa nasabing lupa kahit ipakita na sakanya ang titulo.Naikwento po sa amin ng Doctor na ang Mother title ng mga lupain ay nasa magulang nila pero nang pumanaw na po ay nagpasya na po silang hatihatiin sa sukat na tig 1000 sqm. Presumed na alam din po nila ang batas sa CARP kaya hinati po nila. Ang katanungan ko lamang po ay kung ano ang dapat gawin sa taong ayaw umalis? hanggat maari po sana ay ayaw namin humantong sa korte ang ganitong kaso, kung sa barangay po ba ay kaya na bang maresolba ang ganito pong kaso? kailngan po ba namin magpaescort sa Brgy. o mga kapulisan? kung ipapabayad po niya ang mga tanim at bakod na ginawa niya, maaari po ba naming hindi bayaran ito?, pero willing po kami magbigay kahit papano para sa tanim. kung ayaw po tlgang umalis anong kaso naman po ang pwedeng isampa? at ano po ba ang nararapat na aksyon ng barangay tungkol dito? kadalasan po kasi pumapabor sila sa residente ng barangay kaya hindi po nagsisikilos ang mga kawani ng brgy. Maraming maraming salamat po.