may nakukulong ba sa utang?

Ang sagot ay, depende. Kung ang isang tao ay gumamit ng mga misrepresentation at patibong para maka-utang, katulad halimbawa ay nag-peke ka ng mga papeles na nagpapatunay na ang suweldo o sahod mo ay P50,000 sa isang buwan iyon pala naman ay wala kang trabaho, ito ay estafa, dahil sa nanlinlang ka para maka-kuha ng pera ng iba.

Pero kung halimbawa ay umutang ka, wala kang panlilinlang na ginawa, nagbayad ka naman ngunit sa kalaunan ay hindi ka na nakapagpatuloy ng pagbabayad, hindi panlilinlang iyon, sadyang kawalan lamang ng kakayanan na magbayad. Kapag ganoon ang nangyari, puede kang idemanda pero, civil case lamang, hindi criminal case. Ang criminal case lamang ang may kulong. Ang civil case ay walang kulong.

Kalimitan naman kasi ng nagpapautang, humihingi ng collateral o prenda. So, iyong prenda ang puedeng gamiting pambayad doon sa utang. Kaya din nagdedemanda ang mga pinagka-utangan.

Kung halimbawa ay nag-issue ka ng mga checks bilang bayad sa utang, at ang mga tseke, noong ito'y iyong pinirmahan at in-issue at ginamit na pambayad, alam mo naman na wala itong pondo at wala ka naman talagag pampondo dito, puede kang mai-demanda ng criminal case sa paglabag sa BP22, o Bouncing Checks Law. Sa ngayon, ang bouncing checks law, fine na lamang ang penalty, hindi na imprisonment.

Meron naman din kasing mga lending investor na gusto, mag-issue ka ng mga checks (para sa monthly na bayad sa utang, halimbawa, kung ang utang ay payable in 24 months, mag-iisue ka ng 24 checks. Sa ganitong paraan, ang checks ay paraan lamang ng pagbabayad, para convenient sa inyo. Puedeng ideposit ang checks ng pinagka-utangan pero, puede din naman na tubusin mo ang checks, palitan mo ng cash.

Ang pinaka-maganda ay pumunta ka sa Public Attorney's Office. Dalhin mo ang lahat ng iyong mga papeles at documento. Humingi ka ng advice sa kanila.