Ang mga nunal sa ating katawan ay may kahulugan ayon sa paniniwala ng mga Filipino.
Depende kung saang parte ito ng ating katwan makikita ang mga kahulugan ng ating ga nunal. Maaaring maganda ang kahulugan at maaari din naman hindi. 
Ayon sa paniniwala ng mga Chinese, hindi lahat ng nunal ay may masamang kahulugan, karamihan ay nagbibigay lamang ng babala o paalala upang maprotektahan natin ang ating mga sarili. Ang mga “good moles” daw ay kadalasang hindi masyado kapansinpansin at mas dark ang kulay ng mga ito kung ikukumpara sa ating balat. Nagbibigay ang mga ito ng good fortune ayon sa mga Chinese. Naririto ba ang ibang mga paniniwala at pamahiin tungkol sa mga nunal:
- Pinaniniwalaan ng mga Pilipino na ang taong may nunal sa paa ay mahilig sa adventure. Mahilig silang maglakwatsa at pumunta sa iba-ibang lugar.
- Ang mga nunal naman sa mukha ay pinaniniwalang nagdadala ng swerte.
- Magiging matagumpay daw sa business ang mga taong may nunal sa mukha at yayaman ang mga ito ayon sa mga Pilipino.
- Ang mga nunal ay maaaring dark black, black, light black, gray, brown, purple at red. Kapag ang nunal ay pure black o pure red, ito ay mga “good moles” ayon sa mga Chinese.
- Ang mga nunal naman na may halong kulay na pula, puti o dilaw ay may dalang malas sa mga pakikipagrelasyon.
- Sa China, ang mga nunal na makintab at makinis ay mga “good moles” din kung ituring. Ang nunal naman na may buhok ay pinaniniwalaang buhay at isa din itong “good mole”.
- Maaring putulin ng mga babaeng Chinese ang buhok sa nunal ngunit hindi dapat putulin ang buhok sa nunal ng mga lalaking Chinese.
- Sa mga Pilipino, ang nunal na malapit sa mata ay nagsasabing kaakit-akit ang taong ito sa mga ibang tao
- Ang mga taong may nunal naman sa kamay ay pinaniniwalaang may puso ng magnanakaw at maaari itong kumuha ng mga bagay mula sa mga ibang tao.
- Ang hula sa mga paniniwala ng mga Filipino ay kapag ang isang tao ay may nunal sa likod, isa itong tamad at mas nanaisin pa niyang humiga maghapon kaysa sa magtrabaho.
Bukod sa mga paniniwala tungkol sa mga nunal, mayroon din itong medical explanation. Ang nunal ay “mole” sa ingles at tinatawag itong nevi sa medical na aspeto. Ito ay mga pigmented cells na lumilitaw sa iba’t ibang kulay at maaring makita sa iba’t ibang parte ng ating katawan. Sanhi ito ng pagkukumpol kumpol ng skin cells na tinatawag na melanocytes. Ang melanocyte cells ang nagbibigay ng melanin sa ating katawan upang magkaroon ng kulay ang ating balat. Karamihan ng mga nunal o moles ay harmless ngunit may mga rare na pagkakataon na nagiging cancerous ang mga ito. Ang hugis ng mga nunal ay maaring bilog na bilog at mayroon din naman na bilog na pahaba. Hindi rin masasabi kung gaano lamang dapat kalaki ang nunal dahil maaring kasing liit lang ito ng tuldok at mayroon naman na sa laki ay maaaring takpan ang isang parte ng katawan. Ang mga nunal ay maaring makinis o kulubot, flat o may bukol. Minsan, may mga nunal na naguumpisang flat at brown at sa paglipas ng panahon ay nagkakaroon ng kaunting bukol at nagiging light ang kulay. May mga nunal na nawawala sa paglipas ng panahon. Kahit karamihan sa ating mga nunal ay lumilitaw sa panahon na tayo ay nasa ating kabataan pa o kapag nagbibinata o nagdadalaga, maaaring may lumitaw pa na mga nunal hanggang paglaki. Nagbabago din ang hugis at kulay ng mga ito depende sa iba’t ibang sanhi na makakadulot nito tulad ng hormonal changes dahil sa pagbubuntis. Kung nakakaranas ng mga sintomas sa ibaba ay nararapat lamang na pumunta sa iyong doktor upang masuri ang iyong nunal:
- Kung ikaw ay may edad na 30 years old pataas at may bagong nunal na lumitaw
- May pananakit na nararamdaman sa nunal
- Nangangati ang nunal
- May mahapding pakiramdam sa nunal
- May pagdurugo sa nunal
- Hindi pantay na hugis o kulay ng nunal, kung ang kalahati ay iba ang itsura
