Balat o Birthmark: Paniniwala, Kasabihan, Kahulugan, Pamahiin, Panganib, Beliefs, Traditions

Belinda Salvacion
is a Nurse/ Entrepreneur in Hong Kong

Maraming kasabihan o paniniwala ang lumaganap tungkol sa mga balat sa mukha at katawan, o birthmarks. Naiiba ang mga paniniwala sa iba’t ibang bansa. Maaaring ang mga paniniwala nating mga Filipino ay iba sa mga tao na naninirahan sa Japan, China, USA, at iba pa. May mga kultura na naniniwala na ang mga taong may balat ay maaring mabuhay ng matagal o magkaroon ng biglang kamatayan. Sa Japan, pinaniniwalaan na kapag ang isang babae ay nakakita ng apoy habang siya ay buntis, magkakaroon ng balat ang kaniyang anak. Sa ibang kultura, ang balat ay sanhi ng mga malalakas na emosyon tulad ng takot o pangangamba ng isang ina habang siya ay nagbubuntis.

Ang iba naman ay naniniwalang ang pagkain ng mapupulang pagkain habang buntis ang dahilan ng pagkakaroon ng balat ng mga sanggol. At ang pinakabagong paniniwala naman ay tungkol sa exposure sa x-ray ng buntis kaya nagkakaroon ng birthmark ang kanyang nasa sinapupunan. May mga ilang paniniwala din ang mga Filipino tungkol sa mga balat. Narito ang mga ilang halimbawa:

      • Ang taong may balat sa tiyan ay maramot.
      • Balat na malapit sa bibig:

Kung lalaki—yayaman at magiging maligaya ang buhay

Kung babae—madaldal at sensitive

      • Balat sa braso:

Kung lalaki—mahilig sa mga bata at homebody

Kung babae—independent at career ang priority sa buhay

      • Ang taong may balat sa likod ay may malawak na pang-unawa at matapat.
      • Balat sa kanang balikat—Makakamit ang magandang kapalaran.
      • Balat sa kaliwang balikat—Gipit lagi sa pera.
      • Ang taong may balat sa ilong ay pinaniniwalaang malikhain ngunit mahirap maintindihan ang ugali.
      • Ang taong may balat naman sa ilalim ng mata ay pinaniniwalaang babaero kung siya ay lalaki.

Ang mga balat ay may ibang kahulugan sa mga ibang kultura na kung saan pinaniniwalaan ang reincarnation. May mga pagkakataon na pinaniniwalaan nilang ang balat ay isang sugat sa nakalipas na buhay ng isang tao. May mga taong naniniwala naman na ang mga balat ay nagdadala ng magagandang bagay. Sa mga Eurpoean countries, ang mga taong nakahawak ng balat ng ibang tao ay pinaniniwalang mabigbigyan ng swerte.


Kailangan nating mag-ingat sa pagbibigay ng opinyon sa mga taong may balat. Maari silang magkaroon ng emotional stress kapag nakapagsabi tao ng hindi magandang paniniwala. Dadalhin nila ito sa kanilang araw-araw na pamumuhay at maaaring hindi magdulot ng maganda sa kanilang trabaho o hanapbuhay. Kaya naman, napakahalagang malaman ang pinagmulan, dulot at maaaring treatment o paggamot ng isang balat sa medical na aspeto. Ang birthmark ay matuturing na isang sakit sa balat na lumilitaw sanhi ng mga abnormal pigment cells o maari ding abnormal blood vessels sa balat ng isang tao. May mga variations ang mga ito. May mga brown o pula, mayroon din naman flat o may kaunting pagangat. May mga birthmarks na nawawala sa pagtanda at mayroon naming lumalaki sa pagtanda ng tao. Karamihan sa mga birthmarks ay hindi nagdudulot ng anuman sakit pero may mga pagkakataon na tumataas ang risk ng isang tao sa skin cancer o iba pang sakit. Ilang sa mga uri ng birthmarks ay ang mga sumusunod:

      • Blue – grey spot o Mongolian spot – kadalasan nakikita ito sa ibabang bahagi ng likod o sa may pwet ng isang sanggol. Kadalasan lumilitaw ito ilang linggo pagkapanganak at nawawala ito pagkalipas ng ilang taon.
      • Café au lait macule – ito ang pinaka common na uri ng birthmark. Mas dark ito kumpara sa normal na kulay ng balat. Maaari itong makita sa iba’t ibang bahagi ng katawan at hindi ito nawawala. Kadalasan lumalaki ito sa paglaki din ng bata.
      • Salmon patches - reddish – pink patch na birthmark na makikita sa mukha ng sanggol o sa batok. Ang mga salmon patches sa mukha ay nawawala pagdating ng bata sa toddler stage. Ang mga salmon patches naman na makikita sa batok ay maaring makita hanggang sa pagiging adult ng isang bata.
      • Port-wine stains – maaaring lumitaw sa kahit na anong bahagi ng katawan pero kadalasan ay sa mukha at leeg. Pagkapanganak ng sanggol ay lumilitaw ito na reddish-pink ngunit sa paglipas ng panahon ay nagiging dark ito. Hindi nawawala ang ganitong klase ng birthmark at makikita ito habambuhay.

Ang iba pang uri ng birthmark na hindi gaanong nakikita sa mga sanggol ay ang congenital melanocytic nevus at infantile hemangioma. Mas makabubuting humingi ng medical advice sa pediatrician at para masuri ang balat ng iyong anak.

About the author

Belinda Salvacion

Profession: Nurse/ Entrepreneur
Hong Kong , Hong Kong , Hong Kong

 

Reply as anonymous (Your real name and picture will not be seen)
anonymous
This person has chosen to hide his/her identity. Medical History
Paano po ba gumagana ang camouflage cosmetics? Sa unsa nga pamaagi magamit ang camouflage cosmetics
Dr. Arvin Ramos
is a Medical expert in United Arab Emirates
Ang “camouflage cosmetics” ay mga “creams” na espesyal na dinesenyo upang epektibong tabunan ang mga “birthmarks” o balat at mai-ayon sila sa natural na kulay ng iyong balat. May mga organisasyon at espesyal na nagpakadalubhasang mga tao ang maaaring makatulong upang makuha mo ang tamang “cream” para sa iyo at mailapat ito ng wasto sa iyong balat.
Ang “camouflage cosmetics” ay hindi katulad ng ordinaryong make-up. Sila ay mga “creams” na espesyal na dinisenyo upang umayon sa natural na kulay ng balat at kaya nilang epektibong tabunan ang mga balat. Subalit hindi sila gumagana bilang lunas.
Mayroong maraming pagpipilian na “creams at brands” na pinagbibili na merong “pre-mixed” na kulay upang umangkop sa iba’t-ibang kulay ng balat. Maaari ka ring gumamit ng komplementaryong kulay na “cream” na maaari mong gamiting “undercoat” upang matabunan ang napakapula o napaka-itim na balat bago mo ilapat ang napiling natural na kulay. Pagkatapos na malagyan ng “camouflage cream” ang balat, lapatan ito ng “loose powder” o pulbos. Maaari mong tanggalin ang “creams” gamit ang sabon at tubig o “cleanser”.
Ang “camouflage cosmetics” ay iba sa iba pang mga produktong pampaganda dahil sila ay:
• “water resistant”, na nangangahulugang maaari kang maligo na nakalagay sila sa balat
• Tumatagal sila ng matagal – tumatagal sila ng hanggang 8 hanggang 16 na oras bago sila kailangang ilapat ulit
• Merong lamang “sun protection cream”
• Maaaring gamitin kasama ang ibang gamot na “creams”
Dahil magandang iayon sa kulay ng balat ng iyong anak ang “cosmetic camouflage”, magandang ideya na humanap ng tulong sa isang taong bihasa sa paglapat nito o sa isang espesyalista dito.
anonymous
This person has chosen to hide his/her identity. Medical History
Makakatulong ba ang laser treatment upang mabawasan ang port wine stain ng aking anak? Makatabang ba ang laser treatment para makulangan ang port wine stain sa akong anak?
Dr. Arvin Ramos
is a Medical expert in United Arab Emirates
Oo, pero ang “laser treatment” ay hindi angkop para sa lahat.
Ang pangunahing lunas para sa “port wine stain” ay ang “laser treatment”. Karaniwan itong ginagamit kung ang “port wine stain” ay napakalaki o sobrang kapansin-pansin, halimbawa sa mukha o leeg ng iyong anak. Ang “laser treatment” ay hindi gumagana para sa lahat. Subalit, mayroong mga kalahati sa pangkalahatan ng mga taong gumagamit ng ganitong lunas ang napapansin na unti-unting nawawala ang kanilang “port wine stain” matapos ang gamutan. Ang lunas para sa “port wine stains” sa mukha ay karaniwang mas matagumpay kaysa sa paggamot sa ibang parte ng katawan.
Ang “laser treatment” para sa “port wine stains” ay maaaring isagawa sa kahit anong edad. Subalit ang gamutan ay karaniwang pinaka-epektibo kung ang iyong anak ay bata pa, sapagkat ang balat sa “port wine stain” ay mas manipis sa mas maliit ang edad na bata kumpara sa mas may edad nang bata.
Ang iyong anak ang karaniwang kakailanganing pumunta sa isang “specialist center” sa isang ospital upang makakuha ng “laser treatment”. Ang batang may edad na ay maaaring sumailalim sa gamutan na gumagamit ng “local anesthesia”. Ito ay nagpapawala sa sakit sa apektadong parte ng katawan at siya ay mananatiling dilat habang ginagawa ang gamutan. Ang mas maliliit pa ang edad na mga kabataan at iyong malalaki ang parte ng katawan ang apektado, o malapit sa mata, ay maaaring bigyan ng “general anesthetic”. Ito ay nangangahulugang ang iyong anak ay magiging tulog habang sinasagawa ang operasyon.
Ang “laser treatment” ay maaaring makapagdulot ng pasa at pag-iiba ng kulay ng balat sa loob ng isa o dalawang linggo matapos gawin ang operasyon. Ito ay karaniwang bumubuti kahit walang gamiting gamot.
anonymous
This person has chosen to hide his/her identity.
Masakit po ba ang mga balat? Gasakit ba ang mga ila?
Dr. Arvin Ramos
is a Medical expert in United Arab Emirates
Hindi. Karaniwang hindi. Subalit, ang “strawberry birthmarks” ay maaaring ma-impeksyon at maaaring sumakit. Karamihan sa mga balat ay hindi masakit. Subalit, kung minsan ang “strawberry marks” ay maaaring dumugo o magka-impeksyon. Kapag ito ay nangyari, maaari silang kumirot.
Kung sa tingin mo na ang balat ng iyong anak ay magkaka-impeksyon, magpatingin sa iyong doktor. Kung kailangan ng iyong anak ang gamot para sa kirot, maaari siyang uminom ng mabibili sa botika na mga gamot na pampawala ng kirot tulad ng paracetamol o ibuprofen. Ugaliing basahin ang impormasyon na kalakip sa gamot at kung ikaw ay may mga katanungan, magtanong sa iyong “pharmacist” para sa mga payo.
Mary Chris  Villarico
is in the Philippines
hi po! pano po ba mawala ang birthmark may birthmark po kasi ako sa mukha kailangan pba ipa opera or may gamot na mkapawala at mag magkano ba yong gamot para sa birthmark
Mary  Cuerpo
is in the Philippines
hi good day po, ask ko lang paano po ba magagamot un sa case ng pamangkin ko, from her birth wala naman sya kahit ano sa mukha nya then napansin namin na may tumubo kulay pula sa balingusan nya na inakala namin na kagat lang ng lamok , ngayon 2 mos. na sya lumalaki din un kulay pula at embose sya , nababahala na kami please sana matulungan nyo kami..
1 person likes this
anonymous
This person has chosen to hide his/her identity. Medical History
paanu po gamutin ung balat ng baby ko NASA mukha nya po pulang pula abot na po hanggang mata sa left part po
The medical information contained in this section is not intended for treatment or prescription. It is used to complement, not replace, the communication between a patient and their physician. Reliance on any information provided by BuhayOFW or any medical experts is solely at your own risk. If you have a medical emergency, call your doctor or go to the hospital immediately. BuhayOFW's Medical Review Board is a team of board-certified doctors who ensure our content is medically accurate and reflects the latest in health information. Our experienced board of medical professionals verify that our content is thorough and all-inclusive, in order that you can trust the information you read here will help you through improvements in your health journey—whether that’s for yourself or for a loved one.