Nagkaroon po ako ng pagkati sa lalamunan na nag- resulta ng ubo noong April 12,

Nagkaroon po ako ng pagkati sa lalamunan na nag- resulta ng ubo noong April 12, 2018. Hanggang sa sumama po ang pakiramdam ko at nagkaroon ng lagnat. Nagkaroon din po ako ng sipon. Pagkatapos ng dalawang araw, nakaramdam ng pagsakit ang kanang bahagi ng aking mukha, partikular sa gilid ng ilong hanggang sa aking ngipin. Gumrabe din ako pagkakasipon ko kaya sobrang sakit din po ng aking ulo. Kahit umiinom po ako ng gamot ay hindi nawawala ang pagsakit nito. Hanggang sa napansin ko po na sa tuwing nagpa- flush ako ng ilong, may kasama pong dugo ang mucus na inilalabas nito. Nag- conclude po ako na baka po mayroon akong sinusitis, dahil nga po nanggaling sa ilong ko ang pagsakit ng aking mukha hanggang sa ngipin. Hanggang sa ngayon po ay hindi pa rin ako nakakapagpatingin, at nararamdaman ko pa rin po ang bahagyang pagsakit sa kanang bahagi ng aking ilong na pakiramdam ko ay namamaga. At miminsan pa ding may halong dugo ang aking sipon kapag ako po ay sumisinga. May dapat po ba akong ikabahala sa ganitong sitwasyon at ano po ang maipapayo ninyo sa akin. Mayroon po ba akong mga home remedies na pwedeng gawin upang maibsan po ang aking nararamdaman?May kalayuan po kasi ang hospital sa aking tinitirhan kung kaya hindi pa ako makapagpatingan, dagdag pa ang schedule ng aking trabaho. Ikalulugod ko po ang inyong pagtugon. Maraming salamat po!