Inaabangan ang reaksyon ng kapatid ng presidente na si Kris Aquino sa kumakalat ngayon sa social media na video ni Pnoy kung saan sinabi nito umano na magpapasaga siya sa tren. Alam naman natin na maraming sinasabi si Kris at sa lahat ng pagkakataon ay kanyang ipagtatanggol ang kanyang Kuya Noy. Pinatuyan ni Kris sa pagkakataon na ito na siya ay isang taong may class. Ito ang kanyang Instagram post na kung saan nag-comment ang isang fan/hater/basher.
Napaka-ikli nang sagot ni Kris na marahil ay makakabuti sapagkat kung siya ay may sasabihin pa, malamang siya na naman ang maba-bash ng tuluyan ng mga tao. Mabilis namang nagbigay suporta ang ibang fans at followers ni Kris sa kanyang Instagram account at pinagsabihan ang naturang fan/hater/basher.
Ilang buwan na din ang nakalipas mula nang lumutang ang iba’t ibang version ng video ng speech ni Presidente Noynoy Aquino na naganap noon pang April 4, 2013. Dito ay sinabi niya na pipilitin ng kanyang administrasyon na maipatayo ang tren na aabot hanggang sa Cavite by 2015. Umasa ang mga Pilipino dito bilang sawang sawa na tayo sa traffic at madaming oras na ginugugol sa biyahe kada araw. Nagpatibay pa ng pag-asa na ‘yan ang pagbanggit ni Pnoy na siya at si Secretary Abaya ay “siguro” magpapasagasa sa tren kung hindi ito natupad.
Kung tunay na magagawa ang tren na ito, hindi lamang ito makakabawas sa traffic sa katimugang bahagi ng Metro Manila at magpapadali ng byahe n gating mga kababayang kasulukuyang nakatira sa Cavite at mga karatig na lugar. Magkakaroon na din ng rason ang mga karaniwang Pilipino na magsimulang mag-invest sa mga low-cost housing na napakarami sa Cavite area. Hindi na tayo magsisiksikan sa Metro Manila dahil ang pagbyahe ay mapapadali na.
Sa naturang speech, binanggit ng ating president na nais niyang tapusin ang makupag at panay papoging serbisyo. Dagdag pa niya habang kausap ang kanyang mga boss, “Turo po ng tatay ko sa akin pag nagbitaw ka ng salita, mahirap man o madali, kailangan mangyari ito.”
“Pag dating naman ng 2015, hindi lang natin mapapabilis ang byaheng mula Baclarang hanggang Bacoor, kundi madadagdagan din tayo ng tinatayang 250,000 na pasahero ang maisasakay kada araw dahil sa LRT Line 1 Cavite extension,” ipinangako ni Presidente Aquino.
Malaking pagkakamali siguro niya na sabihin ito, “At ‘pag hindi ho nangyari ito, nandyan po si Secretary Abaya na mangagasiwa ng proyektong ito. Dalawa na kami siguro na magpapasagasa sa tren.”
Ayon sa isang report ng programang SAKSI ng GMA News and Public Affairs, as of July 2015, hindi pa nasisimulan ang nasabing proyekto.
Nakakatawa at nakakainis isipin na pawang gusto kasi ng ating Pangulo na maging katulad ng Presidente ng Amerika na si Obama na maging humorous at entertaining ang kanyang mga speech. Marahil ay gusto lang din niya na maipakita na marunong din siya magpatawa dahil siya din ay isang tao lamang maski siya ang nasa pinakamataas na pwesto sa ating bansa. Ang nakakalungkot dito ay sa lagay ng Pilipinas ngayon, wala na tayong panahon na makipagbiruan pa at bigyan ng mga pangakong patuloy na mapapako.
At dahil sa binitawang mga salita ni Pnoy, ngayong natapos na ang 2015 ay inaabangan ng maraming Pilipino ang kanyang pagpapasagasa sa tren. Napakaraming meme at commentaries ang ating makikita sa social media tungkol dito. Malamang hindi niya gagawin yun ngunit marahil ay magandang abangan na lamang ang masasabi ni Pnoy mismo tungkol sa pagkukulang na ito.