Pwede po bang mag file ng annulment kahit nasa abroad po asawa ko(respondent)?i'

Naku, puede po kayong mag-sampa ng petition for annulment. Wala namang makakapigil sa inyo. Pero, kung siya po ay nasa abroad, paano po maise-serve sa kanya ang summons na mula sa husgado? Kung wala po kasing summons, hindi magkakaroon ng jurisdiction ang husgado laban sa kanya.

Pangalawa, kapag po kayo ay nag-file ng annulment, mayroon pong paghaharap ang mag-asawa sa harap ng Prosecutor. Kung wala po ang asawa ninyo, paano po malalaman ng Prosecutor na hindi kayo nag-sabwatan para lamang ipa-annul ang kasal ninyo dahil sa ayaw na ninyo sa isa't isa?

Pangatlo, ang abuse po ay hindi ground of annulment. Ito po ay ground for legal separation. Ang tanging ground po ng annulment sa Pilipinas ay psychological incapacity. Ngayon, kung maipapakita po ng psychologist ninyo na ang asawa ninyo ay may deperensiya sa pag-iisip kung kaya't sa halip na kayo'y halikan at yakapin ay kayo'y kanyang sinasaktan, ayon po, puede po itong pumasok sa ilalim ng saklaw ng "psychological incapacity."

Ang pinaka mainam po ay pumunta kayo at magkonsulta sa isang abogado. kasi, kapag narinig ng abogado ang inyong kuwento puede niya kayong bigyan ng payo. Dito po sa website na ito, hindi ko po kayo mabibigyan ng evaluation ng inyong situwasyon, kung puede kayong mag-file ng annulment case dahil sa kayo'y abused. I cannot make an evaluation dahil sa hindi ko naman kayo na-interview.