Home » Money advice » Negosyo/Business

Jay Mendoza, CPA is a Financial expert currently in the Philippines.
Paano magsimula ng isang Negosyo? (Ang Business Plan)

Lumaki ako na nakapaligid sa akin ay mga negosyante. Ang aking ina at ama ay parehong may kanya-kanyang mga negosyo, ang aking mga pinsan at kamag-anak ay mga negosyante din, karamihan sa aking mga kaibigan ay panay negosyante din. Ngunit, marahil magtatanong ka, papaano nga ba maging isang negosyante? Papaano ba magsimula nito?


Hindi madali ang magtayo ng isang negosyo dahil napakarami mong kinakailangang gawin at ikonsidera upang maisagawa ito. Naranasan ko noon ang hirap nito ng magtayo ako ng isang negosyo sa isa sa mga kilalang shopping malls sa Ortigas. Masasabi kong ang pinakamahirap rito ay ang conceptualization o pag-iisip ng iyong produkto – mula sa design ng stall hanggang sa iyong mga binebentang mga produkto. Kinakailangan mo ring i-analyze ang iyong market o consumers – kung malaki ba ang potential na kumita rito. Bukod rito, ang location, ang competitors mo, at kung ano-ano pa. Isa pa sa nagpahirap dito ay nagtatrabaho ako sa isang multinational company noon habang ginagawa ko ang lahat ng mga paghahanda at pagreresearch na iyon.


Ngunit kung iyong iisipin, hindi ka naman talaga yayaman ng husto sa pagiging isang empleyado. Kung unlimited income ang gusto mo at may lakas ka ng loob na pumasok sa isang negosyo, bakit hindi mo ito subukan?


Ano-ano ang mga hakbang na aking gagawin upang makapagsimula ng isang negosyo?


1. Ang pagsusulat ng isang Business Plan


Ang puntong ito ang isa sa pinakamahalagang yugto sa pagsisimula ng negosyo dahil dito mo iniisip at pinaplano ang kabuuan ng iyong negosyo – mula sa produkto o serbisyong iyong ibebenta hanggang sa financial projections mo (kung magkano ang inaasahan mong kita sa mga susunod na mga taon), kung pano i-mamarket ang iyong kumpanya, at marami pang iba. Kalimitang ang business plan ay ang patutunguhan ng kumpanya sa susunod na tatlo (3) hanggang limang (5) taon.


Nasa ibaba ang mga nakapaloob sa isang Business Plan:


a. Executive Summary – dito makikita ang snapshot o summary ng iyong Business Plan. Ilalahad mo rito kung ano ang hangarin o mission ng iyong negosyo, mga impormasyon tungkol sa iyong negosyo, ang iyong mga produkto, growth highlights, at kung bakit magiging matagumpay ang iyong susuungin na negosyo.


b. Company Description – dito naman nakalatag ang mga impormasyon tungkol sa ginagawa ng iyong negosyo, kung papaano ito naiiba sa ibang mga negosyo, kung ano-anong mga market o consumer ang iyong pagsisilbihan.


c. Market Analysis – kinakailangang bago ka pumasok sa isang negosyo ay malinaw sa iyo kung sino ang iyong magiging mga competitors, ang iyong kliyente, ang estado ng industriya na kinabibilangan ng iyong produkto – kung iilan lamang ba ang mga negosyong naririto o ito ba ay napakarami na.


d. Organization & Management – nakapaloob rito ang tungkol sa kung sino-sinong mga empleyado ang kelangan sa iyong negosyo at pati na rin ang structure ng management upang maging mas efficient ang paggawa at operasyon ng iyong negosyo.


e. Service o Product Line – Naririto nakapaloob kung ano-anong mga serbisyo o produkto ang iyong ibebenta. Mahalagang ikonsidera ang quality pati na rin ang presyo ng iyong ibebenta sa mga consumers.


f. Marketing & Sales – Kinakailangang malinaw sa iyo kung papaano mo i-mamarket ang iyong produkto o serbisyo dahil dito nakasalalay ang revenue o kita ng iyong negosyo. Tatandaan na ang sales ang nagsisilbing dugo ng iyong negosyo, dahil kung wala ito, babagsak ito dahil sa ikaw ay posibleng tuluyang malugi.


g. Funding Request – Ilalahad mo dito kung magkano ang kakailanganin mong funding para maisagawa ang iyong negosyo. Kailangang mailahad mo rin rito kung papaano mo gagamitin ang funds na iyong hinihingi.


h. Financial Projection – Bilang isang negosyo, kinakailangan mong ikonsidera ang iyong kikitain sa mga susunod na tatlo (3) hanggang limang taon (5). Napakaimportanteng magkaroon nito upang malaman mo kung ikaw ay on-track ba sa inaahasan mong kita o hindi. Nakapaloob rito ang project income statements, balance sheet, at cash flow statements.


Sa susunod kong articles, akin namang ipapaliwanag ang konsepto ng competitive advantage, ang product life cycle, at ang 4Ps na mahahalagang bagay upang kumita ng husto ang iyong susuungin na negosyo.


Sa mga kababayan kong OFW’s, iniimbitahan ko kayong pumasok sa iyong gustong negosyo. Huwag maging empleyado ng panghabambuhay, magtayo at kumita ng malaki sa pagnenegosyo!

10, Jul 2013, 09:12 PM (PH time) · · Report abuse
Reply as anonymous (Your real name and picture will not be seen)
Celine is a Filipino currently in the Philippines.
Pano po makakaatend sa sminar ninyo?
2013-11-29 16:16:20 · · Reply · Report abuse
 
Reply as anonymous (Your real name and picture will not be seen)
Buhay OFW is a OFW group representative currently in Bahrain.
Hi, Celine. Salamat sa iyong katanungan. Wala pa po kaming ginagawang seminar, ngunit kapag maraming nag-request, maaari kami mag-organize ng seminar tungkol sa business o financial advice. Samantala, kapag mayroon kayong mga katanungan o ideas tungkol sa business o pera, maaari mong i-post at itanong dito, upang mabigyan ka ng advice ng mga financial experts o may kaalaman/karanasan sa negosyo dito. May katanungan ka po ba?
2013-11-30 17:58:21 · · Reply · Report abuse
 
Reply as anonymous (Your real name and picture will not be seen)
Jonathan is a Filipino currently in the Philippines.
sa pag nenegosyo ba ay kaylangan kumuha kaagad ng business permit?
2014-01-03 22:54:53 · · Reply · Report abuse
Jay Mendoza, CPA is a Financial expert currently in the Philippines.
Hi Jonathan. Depende sa papasukin mong negosyo kung kinakailangan mong kumuha kaagad ng business permit. Halimbawa nito ay kung ikaw ay magtatayo ng outlet sa isang mall gaya ng SM, isa sa mga kailangan nilang requirement ay ang business permit para ikaw ay makapagsimula ng iyong operation sa kanilang mall. Kung ang negosyo mo ay maliit lang, gaya na lamang ng simpleng pagbebenta ng mga ginawa mong alahas sa mga kaibigan mo at wala ka namang balak na gumawa ng isang brand na may intensyong ibenta sa mas malawakang market, ang masasabi ko ay hindi mo kinakailangang kumuha kaagad ng business permit para rito. Pero imumungkahi ko ang pagkuha ng business permit kung ang intensyon mo ay isang legal at pangmatagalang negosyo.
2014-01-04 16:20:05 · · Reply · Report abuse
 
Reply as anonymous (Your real name and picture will not be seen)
 
Reply as anonymous (Your real name and picture will not be seen)
Randy is a Filipino currently in Korea, Republic of.
ako po ay nagpaplano ng water refiling sa lugar nmin,meron na po ako pwesto pnagawa at pandeliver,kulang na lang yung gamit sa pag purify ng tubig,meron po ba dito campany na nag iinstal?
2014-01-11 08:59:40 · · Reply · Report abuse
Jay Mendoza, CPA is a Financial expert currently in the Philippines.
Ang maimumungkahi ko ay pumunta ka sa sulit.com.ph o sa ayosdito.ph na mga websites. Marami ang nagaalok ng pagiinstall at mga produkto para sa water refilling station sa mas murang halaga.
2014-01-12 06:26:02 · · Reply · Report abuse
 
Reply as anonymous (Your real name and picture will not be seen)
 
Reply as anonymous (Your real name and picture will not be seen)
Dante is a non-Filipino member from Saudi Arabia.
Hi Sir Jonathan,Isa po ako OFW sa saudi gusto kna sna mg exit o umowi na lang sa pinas para mg negosyo.May negosyo na ang asawa ko pero sari sari store lang,bumibinta sya average per day 3,000 pesos ,pag may ocation na man umabot sa 15,000 pesos.ito po ay nasa pampanga baranagay at marami tindahan gaya sa amin.at sa bulacan may bahay kami na tatlo unit na rawhouse ,dalawa paupahan 1,500 monthly ang isa tirahan namin pag nasa muzon bulacan kami.hingi sna me ng advise matatag na ba ito para hanap buhay ko dyan sa pinas.
2014-01-20 05:00:01 · · Reply · Report abuse
Jay Mendoza, CPA is a Financial expert currently in the Philippines.
Hi Dante. Kinakailangan ko ng mas maraming impormasyon mula sayo upang aking ma-determine kung may kapasidad kang mabuhay sa iyong kasalukuyang mga negosyo dito sa Pilipinas. Ilan sa mga dapat kong malaman ay kung
1. Ilan ang sinusuportahan mo o ang nakasalalay sa iyong kinikita sa ngayon? Ikaw ba ay may anak?
2. May utang ka pa bang binabayaran sa ngayon?
3. Ano-ano ang mga assets mo sa kasalukuyan?
4. Magkano ang estimated amount ng expenses ng pamilya mo sa pang-araw araw?
5. On average, magkano ang kinikita ng pamilya mo sa kasalukuyang nyong negosyo dito sa Pilipinas bawat buwan?
6. Ilang taon ka na, ang iyong asawa, at ang mga anak mo? (kung meron man)

Alam kong medyo personal ang mga katanungang ito pero kinakailangan kong malaman ang mga sagot sa mga katanungang iyan upang malaman ko ang financial capacity mo sa kasalukuyan.

Maaari mo kong i-message ng personal upang mapanitiling confidential ang iyong mga impormasyon.
2014-01-20 21:55:26 · · Reply · Report abuse
 
Reply as anonymous (Your real name and picture will not be seen)
Anonymous
Anonymous   This person has chosen to hide his/her identity..
Hello Jay Ito Po sagot syo katanonang,
1.isa lang anak ko grade 5 na sya.
2. oo may loan pa me house and lot na five year to pay 3,800 monthly 3 year na ang balance .
3 2 unit of house and lot ang isa 1,ooo,ooo. isa 500,000 kung ibenta ko sya iyan ang assest ko.tama ba ako.
4.expenses kada araw. 500 pesos
5. estimate ko ,2,500 sa upa at tindahan 7,500 mga 10,000 total at ang sahod ko dito sa saudi 45,000 pesos
6.43 years old na me ang wife ko 36 years old.
anonymous ko na lang ang name ko.
2014-01-22 23:18:12 · · Reply · Report abuse
 
Reply as anonymous (Your real name and picture will not be seen)
Jay Mendoza, CPA is a Financial expert currently in the Philippines.
Hi,

Masasabi kong ang kabuuang kabuhayan mo ngayon ay hindi pa matatag para magdesisyon mang umuwi dito sa Pilipinas. Ito ay dahil ang expenses mo ngayon ay di hamak na mas mataas kung ikukumpara sa kikitain mo kapag ikaw ay uuwi sa bansa. Ang kabuuang expenses mo sa ngayon bawat buwan ay nasa 19,300 pesos (3800 sa iyong binabayarang utang + 15,500 (500 kada araw x 31 days). Ang kinikita mo ngayon sa renta at tindahan sa kasalukuyan ay nasa 10,000 na di hamak na mas mababa sa posibleng gastusin nyo bawat buwan. Hindi pa kasama dyan ang gastos pang emergency, inflation (o pagtaas ng halaga ng mgq bilihin) at pati na rin ang sa pag aaral ng anak mo. Ang maipapayo ko ay tapusin mo munang bayaran ang inyong mga pagkakautang at pagipunan ng husto ang mga gagastusin sa mga susunod na mga taon (gaya ng sa edukasyon at emergency expenses). Malalaman mong pwede ka ng umuwi kung ang kikitain mo dito sa bansa ay mas mataas sa gagastusin nyo at may matitira ka lang savings na hindi bababa sa 30% ng iyong kinikita bawat buwan.
2014-01-23 22:06:02 · · Reply · Report abuse
 
Reply as anonymous (Your real name and picture will not be seen)
 
Reply as anonymous (Your real name and picture will not be seen)
Jane is a Filipino currently in the Philippines.
Hi po kuya Jay .. Gusto ko pong magkaroon kahit na maliit muna na negosyo subalit po nahihirapan po ako magplano kung saan o paanu ako magsisimula .. tanong ko lang po sa edad kong 19 anu po bang negosyo ang kaya kung panghawakan at simulan ? at paanu ko ito lalo mapapalago ? pasensya na po kayo sa mga tanong ko pangarap ko ksing magkaroon ng sariling negosyo.
2014-02-10 15:22:29 · · Reply · Report abuse
Jay Mendoza, CPA is a Financial expert currently in the Philippines.
Hi Jane,

Salamat sa iyong katanungan. Ang maipapayo ko sa iyo ay pumili ka ng negosyo na naaayon sa iyong hilig o kung saan ay masasabi mong eksperto ka. Sa kalakaran kasi ng negosyo ngayon, para ikaw ay magtagumpay, mahalagang nalalaman mo ng husto ang isang produkto o ang isang service dahil sa pamamagitan nito ay malalaman mo kung ano ang pwedeng i-improve o dili kaya ay kung ano ang mas maiaalok mo pa na sa kasalukuyan na hindi pa ino-offer sa publiko. Sa edad mo ngayon, kung nais mong magnegosyo, kinakailangan mo ring may sapat kang pondo hindi lamang sa operations kundi maging sa mga emergency cases. Ito ay dahil normal sa isang negosyo na sa umpisa pa lamang ay nalulugi (dahil sa costs and expenses) o dili kaya ay breakeven lang. Hindi ako makakapagbigay ng konkretong negosyo na nararapat para sa iyo dahil hindi ko alam kung ano ang interest mo at ang pondong handa kang ilaan para rito. Pero ang masasabi ko lamang ay kinakailangang pag isipan mo ng maigi kung ano ang negosyong iyong papasukin, kinakailangan maibalanse mo rin ang oras mo para rito at maging sa iyong pag-aaral, at higit sa lahat ay matuto kang umiisip ng paraan o mag-ayos ng mga problema along the way. Ito ay dahil ang negosyo ay hindi tulad ng isang bagay na isasalpak mo lang at ito'y ayos na. Habang tumatagal, may mga problema kang ma-eexperience at kinakailangang marunong kang ayusin ito dahil sa pamamagitan nito nag-iimprove ang iyong produkto o serbisyo.
2014-02-11 22:27:42 · · Reply · Report abuse
 
Reply as anonymous (Your real name and picture will not be seen)
 
Reply as anonymous (Your real name and picture will not be seen)
Katrina richie is a Filipino currently in Saudi Arabia.
hello po. pwede nyo po ba ako matulungan kung ano maganda negosyo? gusto ko po sana madagdagan income ko para mas makatulong pa sa parents ko.
2014-03-02 06:56:26 · · Reply · Report abuse
Jay Mendoza, CPA is a Financial expert currently in the Philippines.
Hi Katrina, salamat sa iyong tanong. Marami ang nagtatatong sakin kung ano ba sa tingin ko ang magandang negosyo pero lagi kong ibinabalik sa kanila ang tanong na "Ano ba ang hilig mo gawin o yung kung sa tingin mo eh eksperto ka?" Kinakailangan kong malaman yan dahil mas mapapadali ang buhay mo sa negosyo kung ang pag tutuunan mo eh yong hilig mo. Also, kinakailangan ko ring malamang ang budget mo sa business. Ikaw ba ay mag fufull time dito?
2014-03-11 01:33:10 · · Reply · Report abuse
 
Reply as anonymous (Your real name and picture will not be seen)
 
Reply as anonymous (Your real name and picture will not be seen)
Mylene is a Filipino currently in the Philippines.
Hello mr. Jay mendoza.. its good to know n meron mga post n ganito.. that can help netizens.. jus like others.. gusto ko din mgput up ng business.. single mom po ako with an 8 yr old daughter.. typical employee.. just wanna have an extra income po sana.. i love to cook.. and the like.. cn you help me decide if wat business should i take? Thank you so much.. -mylene
2014-03-08 23:43:23 · · Reply · Report abuse
Jay Mendoza, CPA is a Financial expert currently in the Philippines.
Hi there Mylene, its good to know that you're really into cooking. Well if that's your passion, why don't you try putting up a business that deals with food? I need to know first your budget and how much time will you focus sa iyong business so I can advise you on which business suits you. Who are your target clients? Will it be a franchising business? Will you start really small just servicing a few people o would you like to put up an establishment in your desired area?
2014-03-11 01:39:21 · · Reply · Report abuse
 
Reply as anonymous (Your real name and picture will not be seen)
 
Reply as anonymous (Your real name and picture will not be seen)
AJ is a Filipino currently in the Philippines.
Gudpm po balak ko sana mag online selling. Mgnda pa po bang pagkakitaan ito sa ngayon? Wala pa akong gaanong alam sa kalakaran nito pero willing ako matuto.maraming salamat kung anuman ang maipapayo nyo:-)
2014-03-11 22:56:29 · · Reply · Report abuse
 
Reply as anonymous (Your real name and picture will not be seen)
Jonalyn is a Filipino currently in Taiwan.
Hello po Sir jay nagbabalak po akong magnegosyo ng internet shop sa probinsya namin sa nueva ecija.balak ko po dun mlapit sa bhay nmin.ok lng po b yung lugar para sa ganong business.wala pa pong internet samin meron po pisonet nagiisa lang po.may kikitain po kaya doon?
2014-04-25 16:11:13 · · Reply · Report abuse
 
Reply as anonymous (Your real name and picture will not be seen)
Jonalyn is a Filipino currently in Taiwan.
Hello po Sir jay nagbabalak po akong magnegosyo ng internet shop sa probinsya namin sa nueva ecija.balak ko po dun mlapit sa bhay nmin.ok lng po b yung lugar para sa ganong business.wala pa pong internet samin meron po pisonet nagiisa lang po.may kikitain po kaya doon?
2014-04-25 16:12:30 · · Reply · Report abuse
Jay Mendoza, CPA is a Financial expert currently in the Philippines.
Hi Jonalyn,

Salamat sa iyong katanungan. Kung ako ang tatanungin mo, basta naroroon ang demand at ang kumpitensya ay virtually near to zero (meaning wala kang kakumpetensya), masasabi kong maganda ang iyong negosyo at malaki ang posibilidad na lalago at kikita ka rito. Kung sa lugar nyo ay wala halos internet at marami ang nangangailangan nito, at ikaw lang ang makakapag-offer nito, masasabi kong papatok ang iyong negosyo.
2014-04-29 18:04:53 · · Reply · Report abuse
 
Reply as anonymous (Your real name and picture will not be seen)
 
Reply as anonymous (Your real name and picture will not be seen)
Mike is a Filipino currently in the Philippines.
Hi sir jay good day sau..mag papatulong sana ako sau papano mag start ng isa negosyo..isa ako sales executive marunong ako mag benta. Kung may hawak ako 100k ano kaya maganda pasukin negosyo.salamat
2014-05-01 09:07:44 · · Reply · Report abuse
Michelle is a Filipino currently in Hong Kong.
Unang-una, kailangan mong alamin kung ano ang gusto o hilig mo, dahil kapag pera lang ang habol mo at hindi ka masaya sa ginagawa mo, hindi ka tatagal. Pwede mo isulat sa papel ang mga hilig mo sa isang column at sa pangalawang column, pwede mo ilagay ang mga maaaring negosyong pasukan na may kinalaman sa gusto mo. Halimbawa, kung makipagusap sa tao at mag-sales, pwede ka magtayo ng sariling negosyo sa pagbebenta ng produkto na may alam ka, tulad ng mga produkto na binebenta mo sa kasalukuyang trabaho mo. Isipin mo at isulat ang mga maaari mong ibenta na may experience ka o hilig, tulad ng pagbebenta ng cellphone gadgets, atbp.

Tungkol naman sa puhunan, pwede ka magumpisa sa maliit na puhunan. Pwedeng home based muna, at sa bahay ka nag-opisina at tumatawag sa mga potential clients/customers para mag-set ng meeting. Umpisahan mo muna magbenta o magalok sa mga kaibigan, kamaganak, kakilala. Sa ganitong paraan, mas makilala mo rin kung ano ang gusto ng tao o needs ng iyong target market. Kapag umpisa na dumami ang mga bumibili sayo o kilala ka na, tsaka ka kumuha ng business permit at magdagdag ng tauhan o mas malaking business space. By that time, mas alam mo na kung ano ang gusto ng mga customers, at pwede mo na rin gamitin ang una mong kinita pang dagdag sa puhunan mo.
2014-05-10 15:23:25 · · Reply · Report abuse
 
Reply as anonymous (Your real name and picture will not be seen)
 
Reply as anonymous (Your real name and picture will not be seen)
Rain is a Filipino currently in the Philippines.
hi! may homemade cakes and delicacies business po ako, nagsimula ako 2 years ago na pero hangang ngayun hindi parin po stable yung business minsan gusto ko na itigil pero ito po talaga ang gusto ko gawin as my passion and source of income,gusto ko sana magattend ng seminar nyo para marami pa ako matutunan. Salamat po.
2014-05-30 14:15:20 · · Reply · Report abuse
Ace is a Filipino currently in the Philippines.
natry mo na ba ipromote ang business mo thru social media like facebook or twitter or even in instagram?

marami akong nakikita sa instagram na successful sa cake and pastry business nila. you can post samples of your cake by taking photos and sharing it in facebook or instagram. if you want to learn more on how to do this.let me know.
2014-08-06 21:37:26 · · Reply · Report abuse
 
Reply as anonymous (Your real name and picture will not be seen)
 
Reply as anonymous (Your real name and picture will not be seen)
Rain is a Filipino currently in the Philippines.
Ang cake business ko sa bahay ko lang ginagawa medyo nahihirapan po ako imarket kasi wala ako mga kamaganak o ganu mga kaibigan na maaring makatulong sa pagpapakilala sa products ko dahil hnd naman talaga ako taga rito, dito lang ako nagkapamilya, gusto ko naman sana magkaroon na din ng pwesto kaso hnd pa enough ang budget ko, anu po ba ang mas effective pa na paraan para makilala ang products ko?
2014-05-30 14:33:12 · · Reply · Report abuse
Michelle is a Filipino currently in Hong Kong.
Kahit wala kang masyadong kaibigan o kakilala, kailangan mong ipromote o advertise ang iyong negosyo sa iba, kung gusto mo ito lumaki at makilala.

Isang murang paraan ng pag-advertise ay sa pamamagitan ng mga leaflets o flyers. Pwede ka mag-print sa computer ng mga leaflets o flyers na nag-promote ng iyong cake business. Pwedeng hatiin ang isang bond paper sa 2-4 piraso na flyers. Pwede ka rin gumamit ng murahing bond paper, para makatipid. Kapag wala kang computer o printer sa bahay, maraming computer shops kung saan pwede magpa-print.

Ipamigay itong mga flyers sa mga kapit bahay. Halimbawa, ilagay sa kanilang mailbox, sa pintuan o iabot sa kanila. Pwede rin ipamigay ito sa mga offices na malapit sa lugar niyo. Sa mga offices, pwede ito ibigay sa security guard, at makiusap ka na ibigay sa mga empleyado sa loob. Kapag meron birthday party o ibang okasyon sa kanila, maaari ka nilang maaalala o tawagan.

Importante rin na masarap at dekalidad ang iyong homemade cakes. Isa sa pinaka epektibong paraan ng pagpromote ng sariling business ay sa pamamagitan ng 'word of mouth' o positibong kwento ng mga customer mo sa ibang tao tungkol sa masarap mong homemade cakes. Kapag masarap at magandang quality ang iyong cakes, siguradong babalik-balikan ka at ikwekwento ng iyong masasayang customers sa iba.
2014-06-02 14:05:48 · · Reply · Report abuse
 
Reply as anonymous (Your real name and picture will not be seen)
 
Reply as anonymous (Your real name and picture will not be seen)
Ronie is a Filipino currently in Israel.
Hello po plano ko pong magbukas ng bakery o panederya sa bakanteng lote namin magkanu po po ba sa inyong palagay ang dapat kung ipuhunan para makapag simula ng negosyong panederya?
2014-07-01 00:00:39 · · Reply · Report abuse
Michelle is a Filipino currently in Hong Kong.
Mababasa dito ang kasagutan sa iyong katanungan at mga impormasyon tungkol sa pagtayo at pagsimula ng panaderya business: http://www.buhayofw.com/financial-advice/business-investments/how-to-start-panaderya-in-philippines-paano-magtayo-bakery-business-53c0c4175c80a
2014-07-12 13:16:27 · · Reply · Report abuse
 
Reply as anonymous (Your real name and picture will not be seen)
 
Reply as anonymous (Your real name and picture will not be seen)
Melanio is a Filipino currently in Saudi Arabia.
Hello Sir, isa po akong OFW dito sa saudi at plano ko po sanang mag putup ng isang feeds supply sa bayan samin after ng contract ko marami din kasi kaming baboy at plano ko bago ko gawin o pasukin yung negosyo na yan plano ko sana munang gumawa ng questionnaire survey sa mga mga nag aalaga o mga may babuyan samin.actually may konting negosyo na po ako samin lending mo sya with an interest of 0.25% in every cropping so within 4-5 months po sya at may capital o distributed amount na po ako na almost 200k.so ano po sa tingin nyo yung feeds supply sir at ano po ang mga dapat at pwede kong gawin?salamat po
2014-07-03 04:18:56 · · Reply · Report abuse
 
Reply as anonymous (Your real name and picture will not be seen)
Melody is a Filipino currently in the Philippines.
im am ofw ,and im planning to stay here for good and i want to have my own business..but im scared to start because ,i dnt have any idea..please help me thanku..
2014-08-04 00:12:53 · · Reply · Report abuse
 
Reply as anonymous (Your real name and picture will not be seen)
Raymond is a Filipino currently in United Arab Emirates.
hI GOOd day po dito poh akoh sa abu dhabi ngayun gusto koh lang poh humingi ng tulong para matuto sa marketing pwd po bang hingi ng tips
para mag build ang party shop koh ano poh ba ang step na dapat gawen marameng salamat poh.
2014-08-07 22:23:01 · · Reply · Report abuse
 
Reply as anonymous (Your real name and picture will not be seen)
Recto is a Filipino currently in Taiwan.
Hi isa po ako ofw dito sa taiwan,electronics technicians po ako,mahilig din ako sa screen printing,alin po ba mas maganda gawing business
2014-08-09 08:01:26 · · Reply · Report abuse
 
Reply as anonymous (Your real name and picture will not be seen)
Recto is a Filipino currently in Taiwan.
Hi isa po ako ofw dito sa taiwan,electronics technicians po ako,mahilig din ako sa screen printing,alin po ba mas maganda gawing business
2014-08-09 09:33:07 · · Reply · Report abuse
 
Reply as anonymous (Your real name and picture will not be seen)
Maribel is a Filipino currently in the Philippines.
Kailangan pa po ba my exparience ka bago mgpatayo nang sariling negosyo?
2014-08-11 13:43:57 · · Reply · Report abuse
 
Reply as anonymous (Your real name and picture will not be seen)
Find friends
Mga Huling Posts
< Newest posts Older posts >
© 2013 Buhay OFW. All rights reserved. Copyright notice.
Terms and conditions, features, support and service options subject to change without notice.