Ano ang mga Malay? Ano ang kahulugan ng Malay? Saan sila Nanggaling? Mga Malay

Malay
Ang mga Malay ay ang huling pangkat ng mga taong pumunta sa Pilipinas. Dumating sila ng Pilipinas gamit ang malalaking bangkang tinatawag na balangay.
Mayroong tatlong pangkat ng Malay na dumating sa Pilipinas. Sila ay nanirahan sa iba’t ibang bahagi ng kapuluan.

Ang unang pangkat ay nanirahan sa Lalawigang Bulubundukin tulad ng mga Bontoc, Ilongot, at Kalinga. Sila ang pinaniniwalaang gumawa ng Hagdan-Hagdang Palayan.
Ang ikalawang pangkat naman ay ang mga ninuno ng Tagalog, Bisaya, Kapampangan at Bicolano.
Ang ikatlong pangkat ay ang mga naging ninuno ng mga Muslim sa Mindanao at Sulu.

Ang mga Malay ay may katamtaman at matipunong pangangatawan, katamtamang tangos ng ilong, maiitim na mga mata, unat na buhok, kayumangging balat, at may katamtamang tangkad.

Masasabing higit na matatalino ang Malay kaysa sa Negrito at Indones. Ang kanilang tirahan ay higit na mas maganda dahil yari ito sa kawayan at kahoy. Marunong din silang sumulat at bumasa. Magaling din silang gumawa ng sandata at mga kagamitang yari sa tanso at bakal.

Pagdating naman sa pagsasaka mas maganda na ang kanilang mga kagamitang ginagamit. Sila ay gumagamit ng araro at patubig sa pagtatanim.

Magaling ang mga Malay sa pangangalakal ng produkto. Marami ang pumupunta sa kanilang lugar upang makipagpalitan ng kanilang mga produkto. Mayroon silang sitema, at ang tawag dito ay barter.

Magkakasamang nakatira sa maliliit na pamayanan ang mga ninunong Malay. Ang pamayanang ito ay tinatawag na barangay na pinapangunahan ng mga datu. Naniniwala sila kay Bathala, sa mga espiritu, at anito.

Malaki ang pagbabago ng ating mga ninuno di lamang sa pisikal na kaanyuan ng mga Pilipino, kundi sa pamamaraan ng pagpapaunlad at pagpapayaman sa kulturang Pilipino.