Ano ang mga Arabe? Saan Nagmula ang mga Arabe? Pamumuhay ng Arabe. Mga Arabe

Arabe
Pakikipagkalakalan ang rason kung bakit pumunta sa ating bansa ang mga Arabe noong ika-14 na siglo. Sila ay matatangkad, malaki ang pangangatawan, matangos ang ilong, at kulot at maitim ang buhok.

Bukod sa pangangalakal, may mga misyonero ring pumunta at nanatili sa ating bansa. Sila ay nasa bahaging timog ng bansa kung saan nila pinapalaganap ang relihiyong Islam. Mula sa Islam ang pagdarasal nang anim na beses sa isang araw. Matatagpuan sa dakong Mindanao ang Islam. Ang Ramadan ay banal na pagdiriwang ng mga Muslim. Ito ay buwan ng pag-aayuno.  Sa pagtatapos ng Ramadan isinasagawa ang Hari Raya Puasa (isa sa pinakamalalaking kapistahan ng pasasalamat pagtapos ng Ramadan.)

Ipinakita ng mga Arabe ang kanilang pagpapahalaga sa relihiyon sa pamamagitan ng matapat na pagsunod sa aral ng Koran (ang banal na aklat nito), at ang pagsunod kay Allah (ang kinikilalang Diyos ng mga Muslim.)

May salitang Arabe na makikita sa ating mga wika. Sa kanila nagmula ang mga salitang ima, kitab, kali, apo, ala, hukom, sulat, at salamat. Ang paggamit din ng kalendaryo ay nanggaling sa kanila.

Ang kaalaman natin sa paghahabi ng tela ay sa Arabe natin nakuha. Maging ang gayak na gayak o nakabihis na pananamit ay galing din sa kanila. Makikita ito sa kasuotan ng ating mga kababayang naninirahan sa Mindanao. Tanyag din ang sayaw na singkil ng mga Muslim at iba pang mga ritwal at seremonyang isinasagawa kapag may mga espesyal na pagdiriwang.

Ang mga Arabe ay matatapang. Ito ang namana ng mga kapatis nating Muslim sa kanila. Kahit sino pang mga dayuhan ang nagtangkang sumakop sa kanila ay hindi nagsipagtagumpay.