Ano ang mga Indones? Paano namuhay ang mga Indones noon? Mga Indones

Indones
Ang mga Indones ay isang klase ng grupo na pumunta sa Pilipinas sa pamamagitan ng paglalayag. May dalawang grupo ng mga Indones na pumunta sa Pilipinas ngunit sila ay hindi magkamukha.

Ang unang pangkat na dumating ay maputi, matangkad, matangos ang ilong, manipis na bibig, mapungay na mga mata at katamtaman ang pangangatawan.
Samantala, ang pangalawang grupo naman  ay nanggaling sa katimugang Tsina at Indo-tsina. Ang kulay nila ay maitim, pango ang ilong, makapal ang labi, at unat ang buhok. Sinasabing sila ang mga ninuno ng pangkat etnikong Subanon, Tiruray, Mandaya at Bagobo sa Mindanao; mga Tagbanua ng Palawan; mga Ibanag ng Apayao; at Kalinga sa Hilagang Luzon.
 
Mga Pamumuhay ng Indones
Masasabing mas masagana ang buhay ng mga Indones kaysa sa mga Negrito. Ang kanilang mga damit ay magaganda na gawa sa balat ng puno at hayop na nilagayan ng disenyo.
Magaling silang lumikha ng barko o sasakyang pandagat. May karunungan din silang magtanim at mag-alaga ng mga hayop. Magaling din silang gumawa ng palayok para sa panluto at mga banga na malalaki, na ginagawang libingan ng mga patay.

Masasabi na mas matalino ang mga Indones kaysa sa mga Negrito. Sila ay may permanenteng bahay na gawa sa pawid at kawayan. Ang mga Indones ang unang dumating sa Pilipinas na gumawa ng tirahan na sa itaas ng puno o mas kilala sa tawag na tree house upang maging ligtas  sa anumang uri ng panganib at maging sa pagsalakay ng mababangis na hayop.
Mahilig din silang maglagay ng tattoo sa kanilang katawan at ang tawag nila dito ay pintados. Ito ay paraan nila ng paghanga sa sining. Mahillig din silang maglagay ng palamuti sa katawan gaya ng hikaw, pulseras, at kwintas.

Pinaalis ng mga Indones ang mga Negrito sa loob ng kagubatan at maging sa kabundukan upang sila ang manirahan sa kapatagan at baybaying dagat.