Ano po ang dapat namin gawing hakbang?

Nais ko pong kumunsulta ukol sa aming kalagayan ngayon. Ako po ay naninirahan kasama ng asawa at anak ko sa bahay ng Lola niya. Ang lola niya ay nag-alaga sakanya mula pa sanggol siya at sila ang magkasama sa isang bahay pero noong may trabaho pa ang asawa ko ay nag stay-in siya sa trabaho niya. Last year ng mag pandemic ay umuwi kami dito at ako ay buntis na noon. Nag desisyon kaming mag stay na dito. Itong tirahan ng lola niya ay up and down. Ang isang anak ng lola niya ang nakatira sa 2nd floor kasama ng pamilya niya. Ngayon ang sabi sa amin ng lola niya ay saamin niya iiwan itong bahay na ito at sabi ng asawa ko noon pa naman daw sinasabi sakanya yon ng lola niya. Kaya lang may bunsong anak ang lola niya na naghahabol dito sa bahay na to. Last year nalaman namin na giniba ang tinitirhan nilang bahay na galing din sa lola niya dahil ito ay nakatayo sa bangketa na noon ay maraming bahay na nakatayo pero pinaalis nga sila dahil bawal yon. Nung wala pa kami dito ay nakiusap na sila na dito sila titira pero hindi pumayag ang lola ng asawa ko dahil 7 sila lahat na lilipat at ayaw ng lola sakanila dahil mga tamad at makalat sila sa bahay. Ngayon 9 months na ang anak namin ng asawa ko ay naririnig pa rin namin sila na gustong sila ang tumira dito at sila daw ang may karapatan. 

Hindi po namin sila nakakausap ng diretsahan tungkol dito at ayaw din silang sabihan ng harapan ng lola tungkol sa bahay. Dahil nga naman ay buhay pa siya pero nanggugulo na sila. Ang lola ng asawa ko ay may sakit na diabetes at ang asawa ko at kapatid niya ang nag aalaga sakanya noon pa man. 

Ano po bang dapat naming gawin na hindi naman lalabas na kami ay masama dahil apo lang naman ang asawa ko. Yun kasi ang sinasabi nila na dahil siya ang bunso dapat siya ang may karapatan dito. Pero di naman siya pinagsasabihan ng lola pag nagsasalita siya ng ganon hinahayaan lang siya. Nung huli ay nagwala sy dito at sumisigaw na lumayas daw kami dahil siya daw may karapatan dito. Salamat po.