Bakit po kaya yung ubo ko ay 2 months na at pasumpong-sumpong? Wala pong plema, pero may kasamang pagbahing at sipon na sumusumpong-sumpong lang din po kagaya ng ubo ko. Hindi naman po ako nahihirapang huminga at wala rin pong masakit sa lungs. Minsan po ay sumusumpong ang aking ubo 1 to 2x per day. Ano po kayang pwedeng meron saakin at anong pwedeng maging gamot?
Bakit po 2 months na aking ubo?
Medical History
2 person likes this
Maaaring ito ay allergic cough. Anti-histamine ang gamot dito usually once a day. Kailangan mo rin ng sapat na tulog at pahinga, uminom ng maraming tubig at kumain ng masusustansiyang pagkain. Umiwas din sa mga maaaring nagsasanhi ng allergy kagaya ng mga alikabok o mga pagkaing bawal. Maaari rin uminom ng vitamin c o kumain ng mga pagkaing rich in vitamin c. Ngunit, mas Mabuti pa rin na personal na magpasuri sa doctor upang makasigurado kung ito nga ba ay allergic cough.
Dr. Alfredo Chua
is a Medical expert
in the Philippines
Ang pag-ubo ng 2 buwan ay maaaring dahil sa maraming kondisyon. Maaaring ito ay dahil sa may infection ka sa baga tulad ng tuberculosis o pulmonya (pero bihira ang simpleng pulmonya na tatagal nang 2 buwan), o dahil sa allergic cough. Ayon sa mga sintomas na sinabi mo, mukhang ang pinakamalapit sa mga nararamdaman mo ay allergic cough dahil sa pabalik-balik ito at may kasamang pagbahing at sipon. Ngunit, mabuti pa rin na makasigurado na hindi ito tuberculosis. Mabuting magpatingin sa doktor, marahil ay mangangailangan ka ng chest x-ray para makasigurado na hindi ito tuberculosis o TB. Kung ito ay allergic cough, may mga gamot na pwede ibigay sa'yo.
