BAKIT SUMASAKIT LIKOD KO? ANO SANHI DAHILAN PANANAKIT PANGANGALAY?

Ang pananakit ng likod ay nagdudulot ng panghihina at kakulangan sa ginhawa. Ito ay maaring maramdaman ng biglaan o magdulot ng matagal na pananakit ng likod. Ito ay isa sa pinaka-karaniwang dahilan ng hindi pagpasok sa trabaho at sa ilan pagpapakonsulta sa eksperto.



Ang likod ay binubuo ng masel, ligamento, litid, disk, at buto na tumutulong para suportahan ang ating katawan para tayo ay makagalaw. Madami satin maging bata man o matanda, ay nakakaranas ng kirot o pananakit nito. Pero, ano nga ba ang sanhi nito?
 
Ang mga sumusunod ay maaaring maiuugnay sa pananakit na likod:
A.    Mga Problema sa Gulugod - Pamamaga o Pagkasira ng Disks (Herniated Discs) - ito ay maliliit na espongha na sumusuporta sa gulugod na pag nasira ay nagdudulot ng pananakit sa likod.
o   Sayatica (Sciatic) - ito ay sanhi ng pagkasira ng disk sa likod na nagbibigay ng presyon sa nerbola(nerve).
o   Arthritis - karamdaman na kung saan ang agwat sa gulugod ay kumikitid
o   Abnormalidad sa buto - anumang hindi karaniwang kurba sa gulugod ay maaaring magdulot ng sakit. Ang halimbawa nito ay ang pagkakuba (scoliosis) na kung saan ang kurba nito ay patagilid.
o   Marupok na Buto (Osteoporosis) - Ang kondisyon kung saan ang mga buto ay nagiging mahina at marupok na nagdudulot ng posibilidad na pagkasira nito.
 
B.     Paggalaw at maling postura - Ito ay maaaring resulta ng araw-araw na gawain at maling postura sanhi ng mga sumusunod:
o   Masel Tensiyon – ang sobra at paulit-ulit na pagbubuhat ng mabigat
o   Labis na pagtulak at paghila
o   Pag-upo at pagtayo ng napakatagal
o   Maling posisyon sa paggamit ng computer
o   Pagmamaneho ng matagal
o   Pagtulog sa higaan na hindi kayang suportahan ang katawan o likod
C.    Problema sa bato (Kidney stones/problem) – ito ay ang pagkakaroon ng bato o impeksyon at nagdudulot din ng sakit ng likod. Mahalaga na magpakonsulta sa doktor pag nakaramdam ng pamamanhid at o anuman sa mga nakasulat sa ibaba:
o   walang kaginhawaan o pagbabago sa nararamdaman
o   pagkakapos ng hininga
o   pagbagsak o pagkahulog
o   pamamanhid ng binti o pangingilig
o   panghihina
o   pagkakaroon ng lagnat
o   hindi maunawaang pagbawas ng timbang
 
Ang pananakit ng likod ay maaring maiwasang lumala at magdulot ng karagdagang problema o komplikasyon. Sa katunayan, malaki ang epekto ng klase ng ating pamumuhay, pagkain at gawaing pang araw-araw sa ating katawan. Ugaliin at sundin ang mga sumusunod upang makaiwas sa sakit sa likod.
1. Panatilihin ang wastong timbang o pangangatawan - isa sa pinaka-importanteng rekomendasyon ay ang pagkakaroon ng wastong pangangatawan. Tandaan, ang karagdagang timbang o taba ay nagdudulot ng tensyon at bigat ng likod
 2. Panatilihing malakas ang masel sa likod - kadalasang sumasakit ang likod dahil hindi nito kayang suportahan ang gulugod o katawan. Kaya naman ang pag-eehersisyo ng tama ay makakatulong na palakasin ang masel sa gulugod.
3. Pagbanat ng Masel - ugaliing magbanat ng masel para makondisyon ang likod at katawan. Ang simpleng pagbanat tulad ng pagliyad, pagbalik at pagbanat ng tagiliran ay lubos na makakatulong para maiwasan ito.
4. Panatilihin ang maayos na postura - tulad nga ng nabanggit sa itaas, ang maling postura ay isa sa dahilan ng pananakit ng likod. Makakatulong ang tama at tuwid na pag-upo at pagtayo.
5. Wastong Pagbubuhat - Balukturin ang tuhod at ilapit ang bagay na bubuhatin, at sa mga uri ng trabaho na kailangan ng matinding pagbubuhat inirerekomenda na gumamit ng suhay pangsuporta.
6. Matulog ng wasto - Ang pagkakaroon ng wasto at sapat na pagtulog ay hindi lng makakatulong sa pagiwas ng pananakit ng likod. Dulot nito'y kaginhawaan sa buong katawan. Ang mga malalambot na higaan ay hindi maganda sa likod, mamili ng higaan na katamtaman o matatag upang masuportahan ang likod at katawan.