ARIES at SAGITTARIUS
Kapag nagsama ang Aries at Sagittarius sa isang tambalan ng pag-iibigan, maaari itong maging tambalang gawa sa langit! Napakaraming pagkakatulad ng magkapares na ito – magkatulad na mga enerhiya at interes – at sadyang magkasundo. Pareho silang mahilig tumuklas at manguna. Napakainit at nakakapanabik ang relasyong ito, at laging handa ang dalawa para sa panibagong pakikipagsapalaran. Pareho silang nananabik na makaranas ng iba’t ibang bagay at ayaw ng nakikinig lamang habang ikinekwento ng iba ang kanilang mga karanasan. Gayunman, kailangan nilang mag-ingat: Maaari itong maging relasyong malapit sa aksidente dahil laging nagmamadali ang Aries at madalas na nakatingin sa kung saan-saan ang Sagittarius kaya’t hindi napapansin ang mga kapansin-pansin. Ganundin, bagama’t maraming pagkakahalintulad ang dalawang ito, maaaring maging mahirap na magpanatili ng matagalang relasyon kung napakarami nilang enerhiya para magsimula ng mga bagong yugto ng buhay – ngunit wala masyadong interes sa pagpapatuloy ng mga ito.
Mabuting magkaibigan at magkasintahan ang Aries at Sagittarius. Tunay nilang nauunawaan ang mga positibong pananaw sa buhay ng bawat isa. Madalang ang mga problema, ngunit mayroong higit pang pangangailangan ang Sagittarius sa pagiging malaya kaysa sa Aries, na minsan ay maaaring maging lubhang mapang-angkin. Medyo mas sensitibo ang Aries kaysa sa masayahin at malanding Mamamana; may tendensiya naman ang Sagittarius na magsalita nang hindi pinag-iisipan ang sasabihin. Mabuti nalang, madaling makalimot at magpatawad ang dalawang sign. Wala silang panahon para magkimkim ng galit!
Kapag mayroong bago at nakakasabik na ideya ang Aries para sa date, paglalakbay o iba pang pakikipagsapalaran, laging handa ang Sagittarius na sumama.
Parehong Fire sign ang Aries at Sagittarius. Ang kombinasyong ito ay kayang lumikha ng panghabang-buhay na pag-ibig. Laging handang kumilos ang dalawang sign. Mayroon silang hindi nauubos na enerhiya; bihirang bumigay ang isa sa kanila.
Ang Aries ay isang Cardinal Sign at ang Sagittarius ay isang Mutable Sign.
Nagpapasimula ng mga bagong ideya ang Aries at agad namang makakasabay ang Sagittarius – hangga’t pinahihintulutan silang magkasama. Walang agawan ng kapangyarihan sa pagitan ng dalawa kailanman. Gusto ng Aries na makuha ang lahat ng papuri at masaya ang Sagittarius na mag-asikaso at magkontrol ng mga bagay nang hindi napapansin ng iba. Parehong mas mahusay sa pagsisimula ng mga bagay ang dalawa kaysa sa pagtatapos ng mga ito, na maaaring magdulot ng gulo kung ang isa sa kanila, o pareho sila, ay nakaramdam na nananabang ang kanilang relasyon; buti nalang malayong mangyari iyon! Mabilis mainip ang Aries, ngunit pinananatili ng Sagittarius na masaya ang buhay.
Ano ang pinakamagandang aspeto ng relasyong Aries-Sagittarius? Ang kanilang mutwal na tendensiyang maging tagapagsimula at tagapagsiyasat ng zodiac. Tunay silang magkasundo dahil sa kanilang kasigasigan, enerhiya, at determinasyon. Pinagbubuklod sila ng kanilang mga magkakatulad na interes at magkaparehong personalidad.