ARIES at TAURUS
Kapag nagsama ang Aries at Taurus sa isang pag-iibigan, ang pagsasama ay magiging natural na pag-iisang-dibdib na nakabatay sa Pag-ibig, na kinakatawan ng Taurus, at Pagsinta, na kinakatawan ng Aries. Ang relasyong ito ay binubuo ng balanse. Gusto ng Aries ng aksyon kaagad, habang mas gusto ng Taurus na magdahan-dahan. Maaari itong lumikha ng problema; gustung-gusto ng Taurus ang sinusuyo at niroromansa – dalawang konsepto na hindi nakaugalian ng tapat, marahas, at diretsahang Aries. Maaaring mapagkunan ng malalaking aral ang tamabalang Aries-Taurus para sa parehong sign. Matutulungan ng Taurus ang Aries na magdahan-dahan sa pagsunod sa mga udyok ng kanyang damdamin, habang matutulungan naman ng Aries ang Taurus na mas maging ispontanyo at malakas ang loob.
Senswal, pasensyoso, at malumanay ang Taurus. Naaakit ang Aries sa mga kalidad na ito; nakikita ng Aries ang Taurus bilang kanilang bato, napakatatag at matapat magpakailanman. Nakikita naman ng Taurus ang Aries bilang nag-aangkin ng kalidad na nais nilang magkaroon nang higit pa – ang kakayahang malaman kung kailan at paanong sunggaban ang mga pagkakataon sa buhay. Ang mga sign na ito ay napakahusay na balanse para sa bawat isa. Maaaring makipaglaro paminsan-minsan ang Aries sa Taurus, inuudyukan ang Taurus na gumawa ng mga desisyong hindi pinag-isiipan, ngunit madalas ay kinakayang kumbinsihin ng toro ang lalaking tupa na magdahan-dahan nang kaunti. Ang Aries ang nagpapasabik sa relasyon, habang ang Taurus naman ang nagdadala ng katiyakan at romansa. Habang gusto ng Aries na makakuha ng agarang kasiyahan, maipapakita ng Taurus kung ano ang maaaring makuha mula sa sexy, senswal, mabagal at banayad na kilos.
Ang Aries ay isang Fire sign at ang Taurus naman ay isang Earth sign. Gustong kontrolin ng Aries ang kanyang tadhana, samantalang kailangan ng Taurus na masigurado ang seguridad at katatagan. Minsan, maaaring maging mapang-angkin ang Taurus, na hindi naman isasawalang-bahala ng mapagsariling Aries. Kung kayang bigyan ng Aries ng katiyakan ang Taurus na matatag ang relasyon at hindi aalis ang Aries, kayang maging pleksible ng Taurus at kakayanin niya ring tiisin ang kagustuhan ng Aries na amgsarili hangga’t maaari.
Cardinal sign ang Aries, at Fixed sign naman ang Taurus. Sa relasyong ito, hindi masusunod ang Aries anuman ang kanyang gawin, kaya’t mas maiging huwag nalang niyang subukan. Ang Taurus ay isang Fixed sign na hindi bibigay; mas malayo ang mararating ng Aries gamit ang maingat na pagkilos at alindog (kahinaan ng Taurus ang dalawang iyon) kaysa sa pakikipagtalo, dahil hinding hindi natatalo sa debate ang Taurus. Parehong gustong mamuno ng dalawang sign sa relasyon, kung kaya napakahalaga ng pagkompromiso.
Ano ang pinakamagandang aspeto ng relasyong Aries-Taurus? Ang madamdaming kalikasan ng relasyon. Napakaganda nitong balanse ng enerhiya sa pagitan ng masculine at feminine, pabigla-bigla at dahan-dahan. Ang kanilang magkasalungat na mga personalidad at kakayahang matuto mula sa isa’t isa ang dahilan kung bakit ang kanilang relasyon ay relasyon ng mutwal na pagbibigayan at pagbibigay-kasiyahan.
