LEO AT CAPRICORN
Kapag nagsama ang Leo at Capricorn sa isang tambalan ng pag-iibigan, nagbubuo sila ng nagsusuportahang pagkakaisa. Mas konserbatibo, masipag, at tradisyunal ang pananaw ng Capricorn. Ang Leo ay mahigpit na naniniwala sa kasipagan, ngunit may tendensiyang gawin ang mga bagay gamit ang kanilang pang-aakit at kakayahang makipagkaibigan. Gayunman, pareho silang lubhang mapagmahal, laluna sa pagtuturo sa kanilang kapareha. Bagama’t mukha silang hindi bagay sa isa’t isa, lalago ang kanilang pag-iibigan habang natutuklasan nila ang kanilang mga pagkakapareho.
Pareho nilang nae-enjoy ang kaginhawahan at pagpapalayaw, at gusto nila parehong pagsikapan ang kanilang mga layunin. Pareho rin nilang pinahahalagahan ang spotlight at mga materyal na pag-aari. Maaaring maging mapangahas ang Leo, habang mas klasikal at simple ang Capricorn. Dahil pareho silang lubhang determinado, dadamayan nila ang isa’t isa kung magkakaroon lang sila ng higit pang atensyon. Pareho nilang mapagtatanto na marami silang matututunan sa isa’t isa; maipapakita ng Leo sa Capricorn kung paanong magsaya, at mapapatunayan ng Capricorn sa Leo ang kahalagahan ng kasipagan at mga tradisyunal na prinsipyo.
Gusto ng Leo ng malikhaing kalayaan, habang gusto naman ng Capricorn ng propesyunal na seguridad. Ang kombinasyong ito ay lumilikha ng balansyadong romantikong relasyon. Mae-enjoy nila ang kanilang oras nang magkasama, at maglalaan din sila ng oras para sa kanilang mga personal na interes. Hangga’t patuloy nilang tinitiyak sa isa’t isa ang kanilang halaga, hindi masisira ang relasyon dahil sa kanilang mga pagtatalo.
Pareho silang maaaring maging matigas ang ulo, mataas ang pagtingin sa sariling opinyon, at mapangarapin. Pareho silang may tendensiyang magsikap kapag may nais abuting layunin. Mas gusto ng Kambing ang buhay na matatag at organisado. Mas gusto ng Leo ang pabigla-bigla, at niyayakap niya ang hindi inaasahan. Kapag nagkasundo silang bagay sila, hinding-hindi na nila malilimutan ang halaga ng relasyon at iaalay nila ang kanilang mga sarili upang panatilihin ang relasyon.
Ano ang pinakamagandang aspeto ng relasyong Leo-Capricorn? Ito ay ang kanilang dedikasyon sa pagsasagawa ng anumang tungkuling inihahain sa kanila. Pareho silang may malalakas na personalidad, at bagama’t mukhang hindi sila bagay, ito ay isang kaso ng opposites attract. Natutuwa sila sa isa’t isa, at ang bahaging ito ng relasyon ang dahilan kung bakit ginugusto nilang ipagpatuloy pa ito.