May mga tao na nakahiligan ng pumunta sa salon para magpaayos ng kanilang kuko, kailangan ng mahabang oras sa pagpunta ng salon at higit sa lahat gagastos kapa sa pagpalinis ng kuko mo. May paraan para makatipid, kailangan lang natin matutunan ang tamang paraan ng pagpedicure ng ating sariling kuko. Pwera sa makatipid tayo, kahit anung oras natin gustuhing maglinis ng kuko ay hindi problema, walang oras na hinahabol gaya ng “baka sarado na ang parlor” lalo na paggaling sa trabaho.
MGA KAGAMITAN
· Palanggana
· Soaking salt, bubble bath o sabon
· Bimpo
· Cotton or bulak
· Aceton
· Cuticle remover
· Nail file
· Nail cutter
· Nipper
· Pusher
· Pumice stone or foot scrubber
· Foot cream
· Nail polish or cutics
· Clear top (color less)
· Cuticle oil
· Lotion
MGA DAPAT GAWIN SA PAG-PEDICURE
1. Pagtanggal ng lumang cutics – Bago pagandahin ang kuko sa paa, tanggalin muna ang lumang cutics gamit ang aceton. Mahalagang matanggal ang lumang cutics para maiwasan ang pagkasira ng kuko.
2. Pagbabad ng paa – Maghanda ng palanggana na may sabon at soaking salt. Ibabad ang paa ng 10 minuto para lumambot ang paa at kalyo sa paa.
3. Pagtanggal ng patay na balat (dead skin) – Tanggalin ang isang sa pagkababad mula sa palanggana at punasan ng bimpo. Gamit ang prumice stone o foot scrubber tanggalin ang kalyo ng paa sa bandang sakong. Hindi masama na kuskusin ng konting lakas ang sakong dahil sobrang kapal naman ang balat nito. Pagkatapos sa sakong, kuskusin naman ang buong talampakan ng paa. Kapag natanggal na ang kalyo at patay ng balat sa paa, tanggalin naman ang isang paa at ulitin ang ginawa sa kabilang paa. Siguraduhing banlawan ng mabuti ang paa para maging malinis. Iwasang gumamit ng kahit na anung kayuran gaya ng kayuran ng keso at iba pa, dahil maaring masugatan ang paa at matetano. Punasan ng bimpo ang paa at kapag nasiguradong tuyo na, punasan ng foot cream o lotion at imasahe ng mabuti.
4. Pagputol at pagpahugis ng kuko – Gamit ang matalas na nail cutter putulin ang kuko, panatilihing nasa katamtamang haba ang kuko sa paa o mas mahaba pa ayon sa gusto mo. Iwasan isagad ang pagkakaputol ng kuko at huwag sobrang bilog ang pagputol para hindi aabot sa “ingrown” ng kuko. Maganda din tingnan sa kuko at iwas sa “ingrown” ang medyo hugis parisukat. Kunin ang nail file at hugisin ang kuko upang matanggal ang talas sa dulo ng kuko at para hindi mabilis masira.
5. Pagtanggal ng cuticles o balat sa kuko – Lagyan ng cuticle remover ang kuko, gamit ang pusher dahan-dahan sa pagpalabas ng balat sa kuko at gamit ang nipper tanggalin ng dahan dahan ang cuticle sa kuko. Lagyan ng cuticle oil ang balat ng kuko kapag nataggal na ang lahat ng cuticle pero iwasang masugatan ito. Ang pagtanggal ng balat sa kuko o cuticle ay opsyon lamang, depende sa iyong nakasanayang gawin.
6. Paglagay ng cutics o nail polish
· Lagyan muna ng cutics (color less) ang kuko para hindi manila nilaw ang kulay ng kuko sa paa at para dumikit mabuti ang cutics na nais gamitin. Dahil mahirap paghiwalayin ang kuko sa paa, gumamit ng toe separator. Kapag walang toe separator maaring gumamit ng tissue o cotton pero siguiraduhin maayos ang pagkakalagay.
· Kapag sigurado ng tuyo ang kuko, alugin ang bote ng cutics (may kulay) at ilagay sa kuko,kailangan alugin ang bote bago gamitin para hindi bumula. Simulan sa gitna ang pagkulay mula sa balat ng kuko pataas. Iwasan ang paulit-ulit na pagpapahid ng cutics.
· Gumamit ng pusher o orange stick sa pagtanggal ng kalat na cutics sa balat ng kuko at para presentable tingnan. Kapag siguradong tuyo na ang cutics, ulitin ang pagkakalagay ng cutics (2nd coat).
· Mag-antay na matuyo ang cutics ng mga 10-15 minuto sa paa at ipatong ang clear top o color less, para mas lalong makintab tingnan at matagal masira ang kuko. Iwasang dumikit sa kahit na anumang bagay ang kuko para hindi masira ang ganda ng paa.