TOTOO BA TALAGA MULTO? Ebidensiya na nagpapatunay sa mga GHOSTS

Winston Guo
is a Astrologer, Fortune Teller in the Philippines

Gabi-gabi, may mga grupo ng mga amateurs na naghahanap ng mga multo ang lumalabas at nagsasagawa ng mga ghost hunting sa mga abandonadong mga warehouse, lumang gusali at mga sementeryo para maghanap ng mga multo. Kadalasan din ay nagdadala sila ng mga electronic equipment na pinaniniwalaan nilang nakakatunton ng mga enerhiya ng mga multo.

TOTOO BA TALAGA MULTO Ebidensiya na nagpapatunay sa mga Multo

Sa kabila ng mga pagsisikap ng mga ghost hunters sa TV at sa totoong buhay ng ilang mga taon, wala pa din tayong magandang patunay na totoo ang mga multo. Maraming mga ghost hunters ang naniniwala na ang matibay na suportang makakapagpatunay na totoo ang mga multo ay makikita sa modernong physics. Lalo na sa mga gawa ni Albert Einstein, isa sa pinakamatalinong mananaliksik sa buong mundo.


Ano ang mga Multo?

Tinatawag silang mga phantasms, specters o ispirito. Ang mga sinaunang Greko ay tinatawag silang Shade at ang mga taga Scotland naman ay tinatawag silang wraiths. Sa salitang Aleman ay tinatawag silang spook, maliban lamang kung sila ay magulo at tinatawag na mga poltergeists.

Ang Paniniwalang ang mga kaluluwa ng mga tao ay maaaring manatili sa mundo ng mga buhay matapos mamatay ay nagmula pa noong sinaunang panahon. Alam natin na maraming mga sinaunang tradisyon ng maraming mga lugar sa paglilibing ay may kalakip na mga ritwal para paalisin ang espiritu ng namatay sa mundo ng mga buhay. Mula pa sa panahon ng bibliya, si Haring Saul ay nagpatawag gamit ang Mangkukulam ng Endor sa espiritu ng patay na propetang si Samuel para humingi ng payo. Sa kasalukuyan naman, nitong huling bahagi ng 19th at 20th century, ang paniniwalang ang mga buhay ay may kakayahang kausapin ang mga patay gamit ang mga séances ay nagpakiliti sa interes ng publiko. May mga palabas pa ngayon sa telbisyon na nagpapakita ng mga “ghost hunters” na naglalakbay at pumupunta sa mga diumano ay haunted na mga lugar para makahanap ng mga multo.


May mga Siyentipikong Ebidensya ba na makakapagpatunay sa mga multo?

Sa kasalukuyan ay walang siyentipikong makakapagpatunay na hindi totoo ang mga multo. Ilang taon ding ayaw paniwalaan ng mga siyentipiko ang mga meteorites dahil madalang ang kanilang pagkahulog mula sa langit at hindi ito mahulaan o maulit. Ngunit alam nating totoo ang mga meteorites. Narito ang iilang mga ebidensya na makakatulong sa pagpapatunay sa mga multo.

Ang Haunted na Vaults ng Edinburgh

Noong 2001, si Professor Richard Wiseman ng University of Hertfordshire ay nag-iimbestiga sa hindi pangkaraniwang parte ng siyensya, at kanyang inimbestigahan ang mga vaults sa ilalim ng lupa ng Edinburgh, Scotland, sa may South Bridge na pinaniniwalaang minumulto. Ang tulay ay itinayo noong huling bahagi ng 18th century at binubuo ng 19 na malalaking batong arko na sumusuporta sa daanang nalilinyahan ng ilang tatlong palapag na mga gusali. May mga kwarto at pasilyong ipinatayo sa ilalim ng mga arko para maging workshop, storage area at bahay para sa mga mahihirap.

Ang lugar na ito ay kalaunang naging lugar na puno ng mga sakit at kahirapan na inabanduna noong 19th century. Nadiskobre ulit ang lugar at binuksan para sa pampublikong mga turista noong 1997 at doon nakaranas ang mga turista at guide ng hindi maipaliwanag na mga pangyayari, pati na ng malakas na presensya, pagpapakita ng ilang mga aparisyon at tunog ng malamultong mga yabag. Hindi kalaunan ay nagkaroon ang mga vault ng reputasyon bilang isa sa mga pinakaminumultong lugar sa Edinburgh.

Dito nagpasyang magsagawa ng eksperimento si Wiseman para makita kung ang mga taong hindi pamilyar sa reputasyon ng mga kwarto ay makakaramdam ng kakaiba sa mga lugar na ito. Sa loob ng apat na araw, may mga volunteers na pumasok sa mga kwarto nito at nagtala ng kahit anong mga kakaibang karanasan na naramdaman nila dito ito man ay gawa ng multo o hindi. Lebel ng ilaw, paggalaw ng hangin, temperatura at mga magnetic field levels ay kasama din sa mga nirecord.

Noong sinuri ang impormasyong nakalat, nakitang may mga kwartong itinuturing ng mga volunteers na mas haunted kumpara sa iba. Pare-pareho ang kanilang mga obserbasyon sa mga nakaraang obserbasyon ng mga turista ng tour company na nagsasagawa ng tours sa loob ng vaults.



Sa huli, napakaraming iba’t-ibang mga ebidensya, testamento at saksing makakapagkwento tungkol sa karanasan nila sa mga multo. Ngunit napakadalang ng mga siyentipiko at pormal na pananaliksik tungkol sa paksang ito marahil na din sa tapat na paniniwala ng mga siyentipiko na gawa-gawa lamang ang konsepto ng mga multo kaya sila mismo ay sadyang ayaw pag-aralan ang katotohanan ng mga ito.


About the author

Winston Guo

Profession: Astrologer, Fortune Teller
Philippines , NCR , Quezon City

 

Reply as anonymous (Your real name and picture will not be seen)
Benjie Tindao
is in the Philippines
nag experiment din kami kung totoo ba ang multo.
ibat iba ng multo ang ibat ibang bansa. may kanya kanyang bersyon gaya ng kultura.
http://isumbongmo.blogspot.com/2011/10/totoo-ba-ang-multo.html
The medical information contained in this section is not intended for treatment or prescription. It is used to complement, not replace, the communication between a patient and their physician. Reliance on any information provided by BuhayOFW or any medical experts is solely at your own risk. If you have a medical emergency, call your doctor or go to the hospital immediately. BuhayOFW's Medical Review Board is a team of board-certified doctors who ensure our content is medically accurate and reflects the latest in health information. Our experienced board of medical professionals verify that our content is thorough and all-inclusive, in order that you can trust the information you read here will help you through improvements in your health journey—whether that’s for yourself or for a loved one.

Disclaimer: The materials on the Buhay OFW Website are for general information purposes only and should not be construed as religious advice, spiritual advice, opinion or any other advice on any specific facts or circumstances. Readers should not act or refrain from acting upon this information without seeking professional advice. Transmission of information on or by use of this Website is not intended to create, and receipt does not constitute, a client relationship between the sender and receiver. Photographs and other graphics used on this website may be for dramatization purposes only, and may include models or stock photos. Likenesses do not necessarily imply current client, membership, partnership or employee status.