SINO ANG GOMBURZA? ANO DAHILAN, BAKIT BINITAY 3 PARI PAG-ALSA SA CAVITE

Cristina Daigo
is a Teacher in the Philippines

GOMBURZA

Ang salitang GOMBURZA ay halaw mula sa apelyido ng tatlong pari, na sina Padre Jose Burgos, Padre Jacinto Zamora, at Padre Mariano Gomez, na binitay noong Pebrero 17, 1872 ng mga Espanyol dahil sa pagbibintang sa kanila sa kaso ng subersyon at pag-uugnay sa kanila sa nangyaring pag-aalsa sa Cavite noong 1872.


Ang tatlong paring GOMBURZA


Mariano Gomez

Siya ay ipinanganak noong Agosto 2, 1799 sa Santa Cruz, Maynila. Siya ang nauna na binitay sa Bagumbayan (Luneta sa kasalukuyan) at ang pinakamatanda sa tatlong martir. Siya ay nag-aral at nakapagtapos sa Unibersidad ng Santo Tomas at nagsilbi bilang pari ng parokya sa Bacoor, Cavite. Itinatag niya rin ang pahayagan na La Verdad (The Truth) kung saan ipinapakita nito ang hindi magandang kondisyon ng bansa.


Jacinto Zamora

Siya ay ipinanganak noong Agosto 14, 1835 sa Pandacan. Iniugnay siya sa rebelyon sa Cavite noong 1872 dahil sa kanyang imbitasyon sa kaniyang mga kaibigan. Nagpadala siya ng paanyaya na naglalahad na,“Grand Reunion... our friends are well provided with powder and ammunition.” Ang mga katagang ito ay ginamit laban sa kaniya dahil sa pag-aakalang ito ay nanghihikayat sa ibang mamayanan na magrebelde. Ngunit ito ay isa lamang paanyaya ni Zamora sa kanyang mga kaibigan na sila ay maglaro ng panguigui, isang kilalang laro sa baraha, at ang salitang powder and ammunition ay mga simbolo lamang na sila ay may sapat na pera upang maglaro buong magdamag.


Jose Burgos

Siya ay ipinanganak noong Pebrero 9, 1837 sa Vigan, Ilocos Sur at siyang huling binitay sa tatlong paring martir. Siya ang pinakanatatangi sa tatllong pari dahil sa siya ay nagtamo ng dalawang titulo sa pagkadoktor, isa sa teolohiya at isa pa sa canon law. Isa rin siyang manunulat at konektado sa Manila Cathedral. Ang kanyang kamatayan ang pinakamadula sa lahat. Isa sa mga detalye ng kanyang kamatayan ay nang siya ay tumayo at sumigaw na, “Wala akong ginawang anumang kasalanan!”


Ang pag-aalsa sa Cavite at epekto ng pagbitay sa tatlong pari sa mga Pilipino

Nadawit ang tatlong pari sa mga pag-aalsa na nangyari sa Cavite noong Enero 20, 1872. Ang pag-aalsa ay nag-ugat sa paniningil ng pamahalaang kolonyal ng Espanya ng karagdagang tributo. Naniwala ang pamahalaan na ang mga pari ang siyang nagpasimuno ng naturang pag-aaklas. Sila ay pinatay pamamagitan ng garrote sa Bagumbayan noong Pebrero 17, 1872.


Ano ang garrote

Ang garrote ay isang sandata na ginagamit sa pagsakal ng isang tao. Ang isang tao na hinatulan ng kamatayan sa pamamagitan ng garrote ay pa-uupuin, tatakluban ng isang tela ang ulo at sasakalin sa pamamagitan ng pag-ikot ng lubid na nakapalibot sa leeg ng nahatulan. Ito ang pamamaraan na ginamit nang patayin ang tatlong paring GOMBURZA


Epekto ng pagbitay sa tatlong pari sa mga Pilipino

Nagdulot ito nang mas matindi pang galit sa mga dayuhang mananakop at nagbigay lakas sa mga Pilipino na magkaroon ng reporma sa pamamahala sa sariling bayan. Ang pagkamartir ng tatlong paring GOMBURZA ang naging inspirasyon din ni Jose Rizal upang maisulat ang kaniyang mga nobela.



Sanggunian: Agoncillo, T. 1960. “History of the Filipino people.”


Ocampo, A. 2010. “Looking back 3: death by garrote.”

About the author

Cristina Daigo

Profession: Teacher
Philippines , Guimaras , n/a

 

Reply as anonymous (Your real name and picture will not be seen)
The medical information contained in this section is not intended for treatment or prescription. It is used to complement, not replace, the communication between a patient and their physician. Reliance on any information provided by BuhayOFW or any medical experts is solely at your own risk. If you have a medical emergency, call your doctor or go to the hospital immediately. BuhayOFW's Medical Review Board is a team of board-certified doctors who ensure our content is medically accurate and reflects the latest in health information. Our experienced board of medical professionals verify that our content is thorough and all-inclusive, in order that you can trust the information you read here will help you through improvements in your health journey—whether that’s for yourself or for a loved one.

Disclaimer: The materials on the Buhay OFW Website are for general information purposes only and should not be construed as religious advice, spiritual advice, opinion or any other advice on any specific facts or circumstances. Readers should not act or refrain from acting upon this information without seeking professional advice. Transmission of information on or by use of this Website is not intended to create, and receipt does not constitute, a client relationship between the sender and receiver. Photographs and other graphics used on this website may be for dramatization purposes only, and may include models or stock photos. Likenesses do not necessarily imply current client, membership, partnership or employee status.