Sa payo ni Jose Rizal, binuo ang La Liga Filipina na siyang opisyal na organisasyon ng Kilusang Propaganda Ang La Solidaridad naman ay ang opisyal na pahayagan nga kilusan. Sa tuwing nababanggit ang La Solidaridad, kusang pumapasok sa isip ang pangalang Marcelo del Pilar. Subalit alam mo ba na hindi siya ang tanging naging patnugot nito? Ang unang patnugot ng La Solidaridad na siya ring nagtatag nito ay walang iba kundi ang tinawag na “Prinsipe ng mga Orador” na si Graciano Lopez Jaena.
· Ipinananganak siya noong Disyembre 18, 1856 sa Jaro, Iloilo sa isang mahirap na pamilya.
· Ang ama niyang si Placido Lopez, bagaman nakapag-aral ay isang pangkaraniwang mangungumpuni. Ang ina naman niyang si Maria Jacoba Jaena ay isang mananahi.
· Nais ng kanyang ina na magpari siya pero tinanggihan niya ito sa kagustuhang maging doktor.
· Nahirapan siyang makapag-enrol sa kursong medisina dahil ang eskewelahang pinanggalingan niya ay hindi nag-aalok ng Bachelor’s Degree. Nakapag-apprentice siya sa San Juan de Dios subalit panandalian lamang dahil nahirapan na ang kanyang magulang na tustusan pa ang kanyang pag-aaral. Umuwi siya sa kanilang bayan at doon ginamit ang natutunan sa panggagamot.
· Habang ginagamot niya ang kanyang mga kababayan ay napansin niya kung paano tiisin ng mga ito ang mga kalunos-lunos nilang kalagayan sa ilalim ng pamahalaang Español.
· Noong 1874 ay isinulat niya ang “Fray Botod” at “La Hija del Fraile” bilang propaganda at paglalarawan ng mga pagmamalabis ng mga prayleng Kastila.
· Napag-initan siya ng mayor ng Pototan nang tumanggi siyang tumestigo para sabihing namatay ang ilang preso sa natural na kadahilanan gayong halata naman na ang mayor mismo ang may kagagawan nito.
· Patuloy niyang nilabanan ang ilan pang mga pang-aabuso at kinailangan niyang pumunta ng España (1880) nang magsimulang bumuhos ang mga banta sa kanyang buhay. Dito ay naging aktibo siya sa Kilusang Propaganda.
· Ipinagpatuloy niya ang pag-aaral ng medisina sa University of Valencia pero hindi rrin niya tinapos. Minsan ay tinanong siya ni Rizal kung bakit ayaw niyang tapusin ang kurso, ang naging sagot niya: “Hindi dapat nakapatong sa balikat ng isang alipin ang kapa ng isang doktor”. Sinagot ito ni Rizal: “Hindi ang balikat ang nagbibigay-parangal sa kapa ng doktor, ang kapa ng doktor ang nagbibigay-parangal sa balikat”.
· Pinasok niya nag mundo ng pamamahayag. Ginamit niya ito para palawakin ang galaw ng propaganda.
· Sinasabing humigit-kumulang sa isang libong mga talumpati ang nabigkas ng “Prinsipe ng mga Orador” sa Europa. Sobrang galing niya sa pananalumpati na ayon kay Mariano Ponce na isa ring propagandista: "... a deafening ovation followed the close of the peroration, the ladies waved their kerchiefs wildly, and the men applauded frantically as they stood up from their seats in order to embrace the speaker." Pinatotohanan ito ni Rizal nang mabanggit niya na si Lopez Jaena ay likas na magaling sa pananalumpati na tila ba gusto nitong maging pulitiko.
· Pebrero 15, 1889 – Itinitag niya ang La Solidaridad. Ipinasa ang pagpapatnugot nito kay Del Pilar nang ilipat ang kanilang tanggapan mula Barcelona patungong Madrid.
· Imbes na umuwi ng Pilipinas, tumuloy siya sa Hong Kong nang mabalitaan ng mga Kastila ang kanyang pagbabalik.
· Bumalik siya sa Barcelona at namuhay sa karalitaan.
· Namatay siya noong Enero 20, 1986 dahil sa sakit na tuberkulosis. Ang kanyang mga labi ay nakalibing sa isang mass grave sa Montjuïc Cemetery sa Barcelona.
