FILIPINA
Pinupuri siya sa buong mundo dahil sa kahanga-hangang talento sa pagkanta. Bilang isang mang-aawit, kamangha-mangha ang kanyang soprano range mula D3 hanggang C6. Heto at mas kilalanin pa natin ang tinawag ring “Pride of the Philippines”.
Pamilya
· Ang kanyang buong pangalan ay Maria Lea Carmen Imutan Salonga. Ipinanganak siya sa Medical Center Manila noong ika-22 ng Pebrero 1971.
· Ang kanyang mga magulang ay sina Felicaion Genuino Salonga, isang Rear Admiral ng navy at may-ari ng isang shipping company, at Maria Ligaya Alcantara.
· Noong Enero 19, 2004, ikinasal siya kay Robert Charles Chienm isang Chinese-Japanese managing director ng isang software company sa LA, California.
· Ang anak niyang si Nicole Beverly Chien ay ipinanganak noong 2006.
Edukasyon at Simula ng Singing Career
· Sa edad na pito, nagsimula ang kanyang professional singing career. Ito ay nang gumanap siya sa King and I para sa Repertory Philippines. 50 pesos ang ibinayad sa kanya.
· Naktatangap si Lea ng nominasyon para sa Filipino Academy of Movie Arts and Sciences (FAMAS) award for Best Child Actress.
· Naka-tatlong Aliw Awards naman siya para sa ‘best child performer’ sa mga taong 1980, 1981 at 1982.
· Nakapagtanghal siya kasabay ang mga internasyonal na singers na Menudo at Stevie Wonder nang mag-konsiyerto ang mga ito sa Maynila.
· Natapos niya ang sekundarya noong 1988 sa O.B. Montessori Center sa
Greenhills, San Juan, Manila bilang Bergamo 1 Student (Excellent o may gradong 94%-100%).
· Nag-enrol siya sa extension program ng College of Music ng Unibersidad ng Pilipinas.
· Nakapag-aral siya ng isang taon bilang biology student sa Ateneo de Manila dahil pinangarap niya minsan ang maging doktor. Naantala ang pag-aaral niyang ito nang makuha siya para gumanap sa Miss Saigon.
· Ang kantang On My Own ang kanyang kinanta sa audition para sa papel ni Kim sa Miss Saigon. Pinakanta rin sa kanya ang Sun and Moon.
· Ang kaibigan niyang si Monique Wilson na isa ring artista sa Pilipinas ay nag-audition rin para sa papel na Kim. Dahil si Lea ang nakuha, siya ang naging understudy o tagahalili ni Lea. Ibinigay rin sa kanya ang papel na Mimi, isang serbidora sa bar.
· Ilan sa mga parangal na kanyang nakuha para sa pagtanghal niya sa Miss Saigona y ang Laurence Olivier (1990), Drama Desk, Outer Critics Circle, at Theatre World Award. Siya rin ang kauna-unahang babae mula sa Asya ang nakatanggap ng Tony Award. Nakatanggap naman siya ng Presidential Award of Merit mula kay Pangulong Corazon Aquino.
· Habang nagtatrabaho sa New York, kumuha siya ng dalawang kurso sa Fordham University.
Pagkatapos ng Miss Saigon
· Noong 1992, siya ang nasa likod ng “singing voice” ni Princess Jasmine sa sikat na pelikulang Aladdin ng Disney. Ang kanta nila rito ni Brad Kane na A Whole New World ay nanalo ng Oscar at Golden Globe Award.
· 1993 – Ginampanan niya ang papel ni Eponine sa Broadway production ng Les Miserables. Nakailang beses rin niyang ginampanan ang papel na ito.
· Gumanap siya sa maraming musical theatre productions sa Pilipinas at Singapore tulad ng Grease, My Fair Lady at Into the Woods.
· 1995 – Bumalik siya sa Amerika at ginampanan ang papel ni Geri Riordan, isang 18-anyos na Vietnamese-American sa siakat na American movei na Redwood Curtain.
· Gumawa sila ni Aga Muglach sa pelikulang San Maulit Muli. Muli ay nabigyan siya ng FAMAS award nomination for best actress.
· Mula 1997 hanggang 2004, si Lea Salonga ay tumtutok sa paggawa ng mga album na kung hindi man nagpaplatinum ay siguradong nakaka-gold; konsiyerto na halos laging sold-out; at buhay showbiz.
· 2002 – Nagbalik siya sa Broadway at ginampanan ang papel ni Mei-li sa Flower Drum Song. Dito niya nakilala ang kanyang naging asawa.
2013 – Kasalukuyan
· Hunyo 15, 2013 – Isa siya sa apat na coaches ng The Voice Philippines. Bumalik siya sa 2nd season ng talent show at kasalukuyang nagti-taping para sa ikatlong season.
· 2016 – Nanalo siya ng dalwang Aliw Awards, isa para sa Best Major Concert in a Foreign Venue at isa para sa Entertainer of the Year.
