Ano Kahulugan ng Panaginip na may Humahabol o Hinahabol? Ibig sabihin, meaning

Winston Guo
is a Astrologer, Fortune Teller in the Philippines

Hinahabol ako!” Ang pananaginip na hinahabol ay madalas nating nararanasan. Ito ay isang senyales na ikaw ay nag-aalala tungkol sa isang bagay sa totoong buhay. Ang pagpanaginip na ikaw ay hinahabol ay ang paraan ng iyong subconscious na pag-iisip upang ipaalam sa iyo na kailangan mo nang harapin ang mga isyung bumabagabag sa iyo. May mga responsibilidad ka talagang hindi pwedeng iwasan at may mga taong nakaasa sa’yo.

Ang isang lalaking nananaginip na hinahabol ng babae ay nangangahulugan na pakiramdam niya ay nakagapos siya ng isang tao. kung gaano kalapit ang naghahabol ay sumasalamin sa kung gaano pa kadaming oras ang mayroon ka bago mo kailangang harapin ang pinoproblema mo. Kung ang humahabol sa iyo ay nasa likod mo na, ibig sabihin ay malapit nang mangyari ang problemang ito. Kung ikaw ay nahuli at inatake, mas nagiging makatotohanan na ang mga kinatatakutan mo.

Ang paulit-ulit na pananaginip na hinahabol ay isang palatandaan na kailangan mong maglaan ng oras para magmuni-muni kung bakit laging nangyayari ang mga panaginip na ito. Ito ay pauli-ulit na mangyayari hangga’t hindi mo hinaharap ang mga problema mo. Ito’y pwedeng problema sa trabaho o sa personal na buhay.

Kapag sa iyong panaginip ay hinahabol ka ng mga criminal, ito ay isang babala na kailangan mong protektahan ang iyong sarili sa mga taong maaaring gamitin ka lang. Kung sila ay nagmumura habang hinahabol ka, ito ay sumasalamin sa iyong sariling galit sa katotohanan. Ito ay simbolo na kailangan mo ring tumahimik. Habaan ang iyong pasensya o magiging masama ang mga konsekwensya.

Kapag hinahabol ka naman ng isang halimaw, ito ay nangangahulugan na may bagay na matatapos na sa darating na mga araw. Kung ikaw ay lilingon at walang humahabol sa’yo, ibig sabihin nito ay may kakayahan kang lampasan ang ano mang dumating sa buhay mo. Ang isang malaking hayop na humahabol sa likod mo ay nangangahulugan na may mga bagong oportunidad na dapat dumating ang maaantala.

Ang pagtawa sa humahabol sayo ay sumasalamin sa kakayanan mong tumawa sa harap ng mahihirap na sitwasyon.

Kapag hindi ka naman makatakbo, ibig sabihin nito ay kailangan mong akuin ang responsibilidad. Kung ano mang bumabahala sa’yo ay maaabutan ka. Kung hindi ka titino at akuin ang responsibilidad, maaari kang mahirapan. Kung ikaw naman ay hinahabol ng mga katrabaho mo, baka nararamdaman nila na hindi ka nagtatrabaho ng mabuti. Kailangan mong mas galingan sa trabaho. Kapag hinahabol ka naman ng tao, ibig sabihin ay magkakaproblema ka sa pera.

Ang isa namang slow-motion na eksena sa isang panaginip habang hinahabol ay isang palatandaan na kailangan mong magmumi-muni tungkol sa mga tao at relasyon sa buhay mo. Ito ay nangangahulugan na kailangan mong ayusin ang mga relasyon mo sa totoong buhay. Kung hindi mo naman nakikita kung sino o ano ang humahabol sa’yo, ibig sabihin ay kailangan mong alamin sa sarili mo kung ano ang nararamdaman mo tungkol sa isang bagay o tao. Maaaring tumutukoy ito sa karera mo. Kapag naman hinahabol ka ng anino ay ibig sanihin na may pinagkakait ka sa sarili mo. Dapat siguro ay huwag mo nang pigilan ang iyong sarili. Kapag naman hinahabol ka sa kalye, ito ay isang klarong tanda ng problema sap era. Ang pagtago naman o pagkawala ng humahabol sa’yo ay nagpapahiwatig sa’yo kung paano mo malalampasan ang iyong sitwasyon sa totoong buhay. Kapag naman ikaw ay nahuli ng humahabol sa’yo, ibig sabihin nito ay pakiramdam mong hindi ka sapat o baka pakiramdam mo ay ginagapos ka ng isang tao o bagay.

Kapag naman hinahabol ka ng toro, magkakaroon ka ng problema sa trabaho sa darating na mga araw. Ito ay maaaring dahil sa kompetensya mo sa katrabaho o mga suppliers na mag-aagawan sa iyong trabaho o negosyo. Kapag naman hinahabol ka ng aso ay palatandaan na magiging abala ka sa lahat ng aspeto ng iyong buhay. Kapag nakakakita ka naman ng mga asong humahabol sa mga kuneho o fox ay nagpapahiwatig na magkakaroon ng problema sa mga taong nakapaligid sa’yo o may hidwaan sa pamilya o mga kaibigan. Kailangan mong maging maingat kapag nakikipag-usap ka para maiwasang madamay sa gulo.

Kapag hinahabol ka naman ng mga pating ay may masasamang sitwasyon na darating na mahihirapan kang umiwas. Kapag ikaw ay inatake sa gitna ng klarong dagat at nakatakas, ibig sabihin ay kukwestyunin ang iyong pagiging maparaan. Ang pananaginip tungkol sa isang paniki ay nangangahulugang magkakasakit ka o ang iyong partner sa buhay. Ngunit ito ay hindi naman Malala at gagaling kayo agad. Ang ahas na gumagapang papunta sa’yo ay sumisimbolo sa iyong mga kaibigan at ang pagtanaw nila ng utang na loob sa’yo. Kung ang ahas ay kinagat at napatay ka, ibig sabihin ay malalampasan mo ang lahat ng iyong mga pagsubok at matatalo ang iyong mga kalaban. Ang mga ahas ay totoong simbolo ng proteksyon.

Kapag naman kinukumpulan ka ng mga bubuyog ay nangangahulugang may seryosong problemang parating. Kapag naman nakagat ka ng bubuyog ibig sabihin ay magkakaroon ka ng pisikal na problema. Kapag naman nahuli mo ang bubuyog, ibig sabihin ay may kaibigan kang hindi tapat sa’yo. Sino kaya ito?

Kapag naman hinahabol ka ng isang zombie o grupo ng mga tao, ito ay isang babala na may relasyon na magkakaroon ng problemang kailangan mong maayos. Ang mga panaginip na ito ay sumasalamin sa kung paano mo tinatakbuhan ang mga responsibilidad mo. Kapag hindi ka nila nahuli ay maganda ang senyales na ito.

References:

Freud, S. (1994). The Interpretation of Dreams (Modern Library) (Reissue ed.). Modern Library.

 

American Psychology Association. (n.d.). APA dictionary of psychology. Retrieved from https://dictionary.apa.org/dream-interpretation

About the author

Winston Guo

Profession: Astrologer, Fortune Teller
Philippines , NCR , Quezon City

 

Reply as anonymous (Your real name and picture will not be seen)
anonymous
This person has chosen to hide his/her identity.
Paano kong hinahabol ka ng mga tao na may baril at pinagbabril ka Nila pero d ka naman natamaan,bagkus nahuli pa sila ng mga otoridad.
Jerry Cua
is a Marketing Specialist in the Philippines
Maraming gustong manira sa iyo dahil ikaw ay hitik sa bunga. Kaya ka hindi tinatamaan dahil hindi ikaw napapaapekto sa sinasabi nila. Tuloy-tuloy ang iyong pag-unlad samantalang ang mga naninira sa iyo ay hindi na nakausad at nakulong na sa kanilang mga kalagayan.
anonymous
This person has chosen to hide his/her identity.
madaals po akong makapanaginip ng artista, lalake kadalasan minsan kaibigan o karelasyo may ilan ding babae ano ibig sabihin noon? at lagi akong nabalik sa lugar na aking kinamulatan salamat sa inyong pagtugon.
Jerry Cua
is a Marketing Specialist in the Philippines
Marahil ikaw ay napakabuting tao at marahil ikaw ay may maraming malapit na kaibigan. Ang mga artista sa iyong panaginip ay sumisimbolo sa mga taong iniidolo mo at sila ay hanga sa iyo. Ang mga lugar na bumabalik sa iyong panaginip na iyong kinalimutan ay maaaring sabihin na punong-puno ito ng masasaya at malulungkot na ala-ala. Maaari mo rin siyang balikan kung may pagkakataon at sariwain muli ang iyong karanasan.
anonymous
This person has chosen to hide his/her identity.
Paano po kapag hinahabol ako ng mga tao kasi daw may nagkakagusto sa akin na matandang mayaman na lalaki pati magulang ko pinatay nila at ginawan ng kaparehas na muka, takbo ako ng takbo nagtago ako sa mga bahay may isang lalaking tumulong sa akin nagtago kami sa dagat tapos nung nakakita kami ng truck pumasok kami tapos nung nakita kami hinabol kami tapos ayun ginising na ako ni mama nablanko lahat.
Shiela Calubo
is in Japan
Ano pk ibig sabhin ng panaginip ko..inaaway daw po ako ng lolo konh namatay galit po saakin..
Jaya Grace Asoy
is in the Philippines
Hinahabol daw po ako ng di ko alam parang tao na hindi tao, maitim mukhang anino tapos nag tago ako doon daw sa bahay kuno ng pinsan ko. Nakita niya ko lumabas ante ko pinatay niya daw sinubukan ko pigilan pero huli na, bumalik daw ako sa oras ngunit sa oras na yun di ko na makita ante ko, pero this time anak nanaman ng ante ko ang pinatay niya. Kahit anong gawin ko huli na talaga di ko talaga siya ma piligilan ang pang yayari. Hanggang sa lumabas ako at may nakuha akong itak at pinag tataga ko daw siya pero kahit anong gawin ko kahit na putol na ang ulo di pa rin siya namamatay kaya tumakbo ako kahit di ako maka galaw nakita ko na mga kaibigan ko daw kuno at isa lang ang na aalala ko yung humahabol saakin ay naging kamukha na ng classmate ko at hini na niya ako makita kasi nag tatago ako. Yun yung akala ko dahil nakita na niya ako at nagising po ako.
1 person likes this
The medical information contained in this section is not intended for treatment or prescription. It is used to complement, not replace, the communication between a patient and their physician. Reliance on any information provided by BuhayOFW or any medical experts is solely at your own risk. If you have a medical emergency, call your doctor or go to the hospital immediately. BuhayOFW's Medical Review Board is a team of board-certified doctors who ensure our content is medically accurate and reflects the latest in health information. Our experienced board of medical professionals verify that our content is thorough and all-inclusive, in order that you can trust the information you read here will help you through improvements in your health journey—whether that’s for yourself or for a loved one.

Disclaimer: The materials on the Buhay OFW Website are for general information purposes only and should not be construed as religious advice, spiritual advice, opinion or any other advice on any specific facts or circumstances. Readers should not act or refrain from acting upon this information without seeking professional advice. Transmission of information on or by use of this Website is not intended to create, and receipt does not constitute, a client relationship between the sender and receiver. Photographs and other graphics used on this website may be for dramatization purposes only, and may include models or stock photos. Likenesses do not necessarily imply current client, membership, partnership or employee status.