Posible po bang mabuntis ang babae kung may nangyari 1 week after ng regla?

Opo. Ikaw ay maaaring mabuntis kung ikaw ay nakikipagtalik kahit anong araw lalo kung ikaw ay iregular ang cycle ng regla. Lalo na kung kayo ng iyong partner ay nagtatalik ng walang gamit na poteksyon gaya ng condom o kahit anong kontraseptibo gaya ng pills at iba pa.

Nagka mens po ako last month pero tumagal siya ng mga 4 days pero hindi malakas at halos di mapuno yung napkin ko on and off po pati ,tapos medyo light ang kulay ng dugo hindi gaya nung dati na pag 1st day ng mens ko medyo dark red talaga siya.halos mag iisang buwan na din ako nakakaramdam ng pag sakit ng likod at pakiramdam na parang laging mabigat ang aking tiyan tapos parang laging tinitibi.sign po ba yun na buntis ako?

Kamusta ka? Ang general rule ay kung may regular period ka, hindi ka buntis. Ang normal na menstrual period ay nasa humigit kumulang tamang petsa, nasa pangkaraniwan na daloy, at nagtatagal ng mga 3-5 days.
 
May mga buntis na nagkaka-vaginal bleeding, lalo na sa mga bagong buntis pa lamang. Ngunit hindi ito katulad ng regular mensturation, dahil mas maliwanag ang kulay (lighter color) ng regla at irregular, parang spotting (or post implantation bleeding).Madaming dahilan kung bakit nade-delay ang mensturation, tulad ng stress, pagbabago ng oras tulog at gising, weight issues (malaki na tinaas o binaba ng timbang), paginom ng gamot, sakit, sobrang pagehersisyo, at iba pa.
 
Upang makasiguro, pinakamaganda ay magpa-pregnancy test. Mayroong mga over the counter pregnancy test kits sa pharmacy, o pumunta kaagad sa pinakamalapit na OB Gyne upang mag-pregnancy test at para sa mas komprehensibong consultasyon. Ano man ang mangyari, sana ay mabuti ang iyong kalagayan. Kapag buntis ka, tatanggapin mo kasi blessing yan ng Diyos. Magdasal at kausapin ang iyong partner o mga mahal mo sa buhay. Maaayos din ang lahat.