Last March nagkadalaw ako peru may nangyari sa amin ng jowa during my period after non nagtuloy pa rin naman period ko.April sumakit ulo ko tapos nagkafever ako ?

Maraming dahilan ang pananakit ng ulo at pagkakaroon ng lagnat. Ang pananakit ng ulo ay maaaring dahilan ng stress, kulang sa pagtulog, pagod at marami pang iba. Ang pagkakaroon naman ng lagnat ay maaaring sanhi ng isang impeksyon sa katawan.

Maaari kang uminom pansamantala ng paracetamol upang mawala ang pananakit ng iyong ulo at lagnat.

I-monitor din ang progresyon ng iyong lagnat kung ito ba ay nawawala, o tumataas pa din ang temperatura matapos uminom ng paracetamol. Dapat inumin ang Paracetamol na may laman ang tiyan, kada 4 na oras kung ikaw ay may lagnat pa din.

Ugaliin ding uminom ng maraming tubig upang maiwasan ang dehydration dala ng lagnat at init ng panahon. Maaari ka ring magpunas ng bimpo na ibinabad sa sapat na lamig na tubig sa iyong katawan lalo na sa mga singit singit na karaniwang pinagmumulan ng init gaya ng kili kili, batok, leeg at singit. Magsuot ng manipis at komportableng kasuotan at iwasang magkumot ng makakapal upang makatuling sa pagbaba ng temperatura kung ikaw ay hindi nakakaramdam ng panlalamig o pangingig.