Ang isang bigamy case na nai-file laban sa iyo ay para dito lamang sa Pilipinas. ibig sabihin, kung ikaw ay nasa ibang bansa, hindi ka naman apektado nito, unless mayroong timbre ang mga husgado sa Pilipinas na ikaw ay dakipin kahit saan ka sa mundo mahanap. Ito ay karaniwang gagawin ng Interpol (International Police) at ang karaniwang mga kasong kriminal na ine-entertain ng Interpol ay iyong mga sindikato (drugs, human trafficking, smuggling, arms dealing, etc.) Ito rin ay ie-entertain ng International Police kung may mga elemento ng krimen na maaaring gawing sa labas ng Pilipinas (tulad na lang ng pamemeke ng salapi, ng cyber pornography, cyber prostitution na maaaring tumawid ng mga border ng mga bansa). Maaarin ding gamiting ang Interpol para dakipin ang isang tao na nasa labas ng bansa kung ito'y may kinalaman sa terrorismo, sa espionage o sa mga war crimes o heinous crime.
Since ang bigamy ay isang crime na may private complainant at ito ay hindi heinous crime. Kaya malamang sa hindi pag-aksayahan ng panahon ng Interpol ito dahil sa may mas mabibigat pang kaso na dapat pagka-abalahan ang Interpol. Ang dapat mong problemahin ay ang pagre-renew mo ng iyong passport. Kapag ang passport mo ay pina-walang-bisa sa Pilipinas ng iyong asawa na nagdemanda ng bigamy, ikaw ay mapipilitang umuwi sa Pilipinas at malamang sa ikaw ay salubungin ng mga pulis sa airport pa lamang.
Maaari din namang mag-apply ng hold-departure order ang asawa mo laban sa iyo, totoo iyon. kasi nga, para ikaw ay mapanagot sa iyong mga ginawang krimen, ang husgado ay maglalabas ng order laban sa iyo. Kung ako sa iyo, bago pa mangyari ang mga ito, alamin mo kung saang husgado naka-file ang iyong kaso, papuntahin mo ang mga kaanak mo doon at ang lahat ng papeles ay ipa-xerox. Tapos, kung wala pa namang hold-departure order laban sa iyo, ikaw ay sumuko sa husgado at ikaw ay magpa-arraign. Kailangan kasing ma-kumbise mo ang husgado na kahit ikaw ay paalis-alis sa bansa, ikaw naman ay bumabalik at wala kang intensiyong takasan ang iyong mga kaso, iyon na nga lamang, ikaw ay may hanapbuhay sa labas ng bansa.
Mas maigi kung harapin mo ang kaso mo sa halip na takasan ito. In the end, mas mapapanatag ka.