Ano karapatan sa naiwan ng byenan? Rights to property owned by parents-in-law

Naku, Leslie, hindi ko maibibigay sa iyo ang lahat ng sagot na ninanais mo.

First, sino ang naunang mamatay -- ang mga biyenan mo o ang iyong asawa? Ganito kasi iyon:

1. If your husband died BEFORE your parents-in-law, your husband will no be an heir of your parents-in-law. Dahil sa hindi tagapag-mana ang asawa mo (dahil ng sa nauna na siyang mamatay kaysa sa mga biyenan mo), hindi ka rin personal na magmamana.

2. Iyong mga anak mo sa iyong asawa, sila ang may karapatan na mag-represent sa iyong asawa para mag-mana sa iyong mga biyenan. They stand in the place of their father sa manahan. Kaya, yung share ng tatay nila, sa kanila mapupunta. Ikaw, wala na.

3. Iyong 19 year old mo na anak, puede na siyang pumirma mag-isa, dahil sa siya ay nasa wastong gulang na. Pero iyong 15-year old mo na anak, menor de edad pa iyon, wala pa siyang legal capacity. Ikaw ang kanyang natural na guardian kaya't ikaw ang pipirma for your 15-year old daughter.

4. Ang share ng mga anak mo ay equal sa share ng mga hipag mo. Ibig sabihin, kapag nag-partehan doon sa kita ng mga paupahan o pinag-bentahan noong mga paupahan at iba't-iba pang ari-arian, ibabawas ang mga nagastos (sa tax, commission ng nagbenta at iba pang mga lehitimong gastusin) pagkatapos ay maghahati-hati ang mga anak ng biyehan mo. Yung dalawang anak mo ang maghahati doon sa parte na dapat ay para sa iyong asawa.

5. Ang maganda, kayo ay mag-sagawa ng settlement of the estate -- kasi, bale wala din ang mga pirma ng mga anak mo kung hindi pa sila recognized bilang heirs. Pati din naman mg hipag mo, hindi din sila makaka-kilos ng maayos kung ang mga lupain at paupahan ay nasa pangalan pa ng mga biyenan mo at wala pa sa pangalan ng mga heirs ng biyenan mo.

Sana'y medyo naliwanagan ka. Para ikaw ay walang mga agam-agam, mas maiging kmunsulta ka sa isang abogado diyan sa inyo. Mas maigi nang may abogado kayo ng mga anak ninyo at nang ang inyong mga karapatan ay maprotektahan.