Charlie, may mga bagay na hindi maso-solve gamit ang mga kasuhan sa husgado. Hindi ko masyadong maintindihan ang kuwento mo. Ang asawa mo ba ay ilang taon na? Siya ba ay nasa wastong pag-iisip? Siya ba ay may trabaho? Kasi, ang taong may asawa, at mature siya emotionally, hindi na niya kailangang magpa-saway pa sa kanyang asawa. Alam niya kung ano ang tama at maling gawin at iiwasan niyang gawin iyong hindi makabubuti sa inyon pagsasama, at hindi makapag-bibigay ng magandang huwaran sa kanyang mga anak.
Sa tingin ko, kaya tinatago ng mga barkada niya ang iyong asawa, ay dahil sa asawa mo mismo ang gustong magtago sa iyo at umiwas sa iyo. Kung ganoon, walang kaso kang maisasampa para ang isip at damdamin ng iyong asawa ay baguhin.
Sa kabilang banda, ang iyong asawa ay nagpapakita ng mga sintomas ng psychological incapacity -- kumbaga, hindi niya batid kung ano ang obligasyones na pinasok niya noong siya'y magpakasal sa iyo. Hindi niya batid na kung siya'y magpapakasal, ang prioridad niya ay ikaw at ang inyong pagsasama. Ikaw, higit sa lahat ang kanyang laging gustong makapiling at maka-ulayaw. Ngayon, kung simula't sapul na kayo'y ikasal ay mas gusto pa niyang maki-tulog at maki-pisan sa ibang tao,lalo na't mga kabarkada niya (hindi kaya't siya't isang latent homosexual na nagpakasal lamang sa iyo dahil sa ayaw niyang malaman at mahayag na siya nga ay isang homosexual?) Maari din kasing feeling niya'y napilitan lamang siyang magpakasal dahil sa pressure mula sa mga magulang, kung halimbawa's nabuntis ka niya na di pa kayo kasal --- mga ganoong mga scenario.
Dapat ay mag-usap kayo ng masinsinan. Alamin mo ang dahil niya't hindi niya nais na tumira at umuwi sa iyo. Kasi, kung honest kayong mag-uusap, malalaman mo ang tunay na problema. Baka magawan pa ninyo ng paraan. At kung hindi naman madadaan sa masinsinang usapan, baka ang dapat ay magpa-annul na kayo ng inyong kasal at nang kayo'y malaya nang pareho na makahanap ng ibang makapag-papaligaya sa inyo.
Kung ang itinatanong mo naman ay kung ano ang maisasampa mong kaso laban sa mga pulis, well, dereliction of duty laman ito at ito ay abala lamang sa iyo. Kung ang sinasabi mo naman ay ayaw na ng asawa mo ngunit siya'y pilit na ikinukubli ng kanyang mga barkada, well, kung ito'y labag sa nais ng iyong asawa, puede kayong magdemanda ng kidnapping or illegal detention. Yung nga lang, palagay ko'y ang problema ay nasa sa iyong asawa -- hindi sa kanyang barkada. Tinutulungan siya ng kanyang barkada dahil sa may alam sila tungkol sa iyong asawa na hindi mo alam.
