Can I file annulment after only 1 year separation?

Ang psychological incapacity ay isang ground para magpa-annul ng kasal. Wala namang time-frame na isinasaad ang batas para ikaw-ay mag-file ng annulment. Kung may mga grounds ng annulment, maaari kang mag-file ng petition for annulment basta't ang kasal ninyo ay after 1989. Ito iyong taon kung kailang nagkaroon ng bisa ang Family code. Ang mga ikinasal bago 1989 ay ikinasal sa ilalim ng Civil Code. Mayroon silang ten years o hanggang 1999 upang mag-file ng annulment sa ilalim ng psychological incapacity.

Ang psychological incapacity ay isang personality disorder. Dahil sa ang isang tao ay may personality disorder, hindi niya maibibigay o magagampanan ang kanyang obligasyon bilang may-asawa.

Yung mga binanggit mo na laging nambabae ang iyong asawa, kailangan ay may proof ka nito. Kailangan ding maipakita mo sa husgado na ito ay isa nang ugali ng iyong asawa (lagi na niyang ginagawa -- na nakikipag-relasyon pa sa iba kahit na siya'y may-asawa na). Ito ay mga senyales na ang di-batid ng iyong asawa na ang kapag kasal ka na, naka-tali ka na sa iisang babae o iisang lalaki, hindi ka na puedeng makipag-relasyon pa sa ibang babae o lalake.

Iyong ding pag-inom na labis ng alak -- kung siya'y hindi makapag-trabaho, hindi na maka-function sa buhay dahil sa kanyang pag-inom, ito ay senyales ng isang malalim na problemang psychological at emosyonal.

Kapag ang tao ay nagpaparaos sa kanyang sarili kahit na siya'y may asawa na, medyo senyales din iyan na hindi niya batid na dapat ay ang buhay sekswal ay para sa pleasure ng asawa, hindi pansarili lamang. Kung siya'y nagpapakita ng kanyang ari o nang kanyang sperm sa ibang tao, lalo na sa kanyang pamilya, ito ay ebidensiya ng isang personality disorder dahil sa hindi ginagawa ng taong matino ang mga bagay na ito. Ang mga sexual activities ay pribado -- hindi ito inilalathala sa iba liban na sa doktor.

Mas mabuti siguro, bago kayo magfile ng petition for annulment, yayain mo muna ang iyong asawa na kayo ay magpa-counseling sa isang psychiatrist. Kailangang dalawa kayong komunsulta at ilathala ninyo sa kanya ang inyong problema. Humiling ka na kayo'y i-evaluate at i-assess. At hilingin mong ang evaluation at assessment ay ilagay sa isang written report. Humingi ka ng kopya. Kung ang findings ng psychiatrist ay may personality disturbance ang iyong asawa at may mga pananaw o paniniwala siyang hindi pangkaraniwan patungkol sa kasal at sa buhay sekswal, doon mo malalaman kung ikaw nga ay may sapat na ebidensiyang katanggap-tanggap sa husgado upang ikaw ay manalo sa iyong petition for annulment.

You need proof. Clear at convincing evidence ang kailangan, hindi basta preponderance of evidence.