Tama ba ang intindi ko? Yung ama ng anak mo, immigrant status na sa US? Ibig sabihin ay legal permanent resident status na siya? May green card na?
OK, ang isang LPR status na tao sa US ay maaaring ma-deport kung halimbawa habang siya'y LPR status, siya'y mag-commit ng crime o misdemeanor. Ngayon, may nababasa akong mga LPR sa US na pinade-deport dahil sa mga traffic violations or kaya'y drug possession charges. Wala pa akong nababalitaan na mga LPR na napa-deport dahil sa failure to pay child support. kasi, wala pa din akong alam na mga batas sa US na nagpaparusa ng hindi pagbibgay ng financial support sa mga anak (hindi ko alam kung ito'y criminal act sa US. Dito kasi sa 'Pinas, ang di pagsuporta sa mga anak ay isang form of abuse ng bata, so it's a criminal act).
Kung patungkol naman sa paglilista ng bata bilang isang tao na puede niyang i-petition, hindi ko masiguro kung ito'y puedeng i-claim ng isang bata bilang karapatan niya. Puedeng test case ito, alam mo? Kasi, ang mga batas ng US, nagbibigay ng "privilege" sa mga LPR na ipasok din ang kanilang mga anak, asawa, nanay at tatay, pati na mga natural biological children kahit hindi sila kasal sa mga ina o ama noong kanilang biological child.
Hindi ko alam kung mapipilit ng husgado na ilista ng isang green card holder ang isang bata na kaniyang natural child. Ang mga sagot sa katanungan mo ay masasagot ng mga immigration lawyers sa US.
Ang alam ko, kung ikaw ay gagawa ng claim, baka kailangang ikaw ay mag-file sa US Immigration Service. Kung mag-file ka naman doon at iyon pala'y ang hindi pag-suporta sa anak ay ground for being considered na "deportable" -- eh, di, lalo namang malilintikan ang mga chances ng anak mo pati na ang ama niya -- kung baga, kinatay ang patabaing baboy na ibebenta sana.
Kailangan mong kumausap ng isang US immigration lawyer. Hindi ako. Kasi, hindi ko field iyan.
Ang masasabi ko lang: kung sa birth certificate ng bata, naka-pirma ang ama at ang apelyido ng bata ay sa ama, may chance ang bata. Baka nga puede kang directly mag-file na ma-include ang bata sa list of relatives na puedeng i-petition. Ang isa pang isyu diyan ay, ilang taon ang bata? kasi, dapat mga menor de edad lamang ang puedeng i-petition at kung of majority age na, kailangan hindi pa kinakasal ang bata.
Iyon na nga lang, kapag natuloy ang petition ng bata at ang bata ay menor de edad, paano naman ang bata? Kanino siya titira doon? Ikaw, bilang ina ng bata, wala ka namang karapatan na sumali sa petisyon noong ama nung bata. Bukod doon, hindi ka rin naman mai-pepetition ng anak mo hangga't siya'y may legal capacity to act na. Matitiis mo ba'ng mawalay sa iyo ang anak mo? Ibibigay mo ba siya sa tatay niya? Paano kung may asawa na't mga anak iyon doon na iba? Ta-tratuhin ba niya ng patas ang bata kung doon sa kanya tumira ang bata?
Isipin mo din iyon -- baka naman apihin ang bata doon, eh, di, kawawa naman siya doon, mag-iisa siya sa mundo, walang kakampi, walang masulingan.