Valid ba ang marriage ng isang tao in another country or bandang Saudi?

Teka, tama ba ang pagkaka-intindi ko? Ang isang lalaki ay kasal dito sa Pilipinas pero siya’y nagpakasal pa din ulit sa ibang bansa?

Una, kung ang lalaking ito ay isang Pilipino citizen, basta’t siya’y hindi Muslim na nasa ilalim ng Shari’a Law, siya’y hindi puedeng magpakasal ng dalawang beses. Minsan lang. Kailangan muna niyang ipa-walang bisa ang kasal sa Pilipinas (kung ito ay naunang nangyari) bago siya makapag-pa-kasal sa ibang bansa.

Pangalawa, parang mahirap yatang mangyari na ang isang lalaking kasal na sa Pinas ay magpakasal sa ibang bansa na hindi kumukuha o nagsusumite doon sa Civil Registrar noong ibang bansa ng Certificate of No Marriage or Certificate of No Impediment to Marry. Liban na lamang kung ang kanyang passport at ibang papeles ay nagsasaad na siya’y single. Gayon pa man, hinahanap sa ibang bansa iyong CeNoMarr.

Pangatlo, kung totoo na ang lalaking ito’y kasal sa iba habang siya’y kasal sa unang asawa sa Pinas, siya’y nagkakasala ng bigamiya sa harap n gating batas sa Pilipinas. Maari siyang kasuhan dito ng criminal ditto sa Pilipinas at dahil sa kasong criminal na ito, puedeng maging daan ito para mapa-walang-bisa ang kasal sa Pilipinas bilang ebidensiya ng psychological incapacity.