Saan kayo nakatira, Vina? Sa Bacolod ba o sa Australia? Ang mga anak ninyo, ang kanilang birth certificate, Philippine ba? O mayroon din silang registration sa Australian Embassy? May mga Australian passport ba ang mga anak mo? Sa Philippine passport ba nila ay nakalagay ang pangalan ng kanilang Australian father? May acknowledgment ba?
Ganito ang mga tanong ko kasi, sa Australia, kahit hindi kasal ang dalawang tao, recognized ng gobyerno ang mga 'de facto' marriages at mga 'domestic partnerships' pati na ang mga anak na bunga ng mga recognized na relationships na ito.
Ang isa pa, sa Australia kasi, pag naghiwalay ang mag-partner (kahit na hindi sila kasal), may matinding obligasyon ang mga magulang ayong sa kanilang batas na itaguyod ang kanilang mga anak. Ang kanilang prinsipyo sa Australia ay: couples divorce each other, not their children.
So mayroong agency ang Australia kung saan mag-aaply ka para sila ang magpadala ng notice sa iyong partner na kailangan niyang mag-bayad ng child support. Teka, i-Google mo ang 'child support agency Australia'.
Kung ang iyong asawa ay may SSS number o taxpayer number at siya ay pensionado, kapag nag-wagi ka na ma-prove na ang mga anak mo ay anak mo sa Australiano, at sila ay iniwan niyang walang ipinadadalang supporta para sa mga bata, ang gobyerno na mismo ang kukubra ng child support para sa mga anak mo. Ito ay ibabawas sa mga benefits na tinatanggap ng partner mo mula sa Australian government.
Ang isa pa, maari ka ring humingi ng spousal support lalo na kung ikaw ay hindi nagtrabaho dahil sa nag-aalaga ka sa mga anak ninyo. Lalo na kung mag anak kayong mag kapansanan na kailangang alagaan. Maaari mong hingan ng supporta ang iyong partner sa halip na ikaw ang mag-trabaho. Yun na nga laang, kailangan mo ng matitibay na ebidensiya.
payo ko, huwag kang mag-habla sa Pilipinas -- mabagal dito, at kung magka-desisyon ka man mula sa mga husgado dito, walang ngipin iyon at hindi mo mapipilit ang iyong partner na sumunod sa mga husgado.
Maari mo siguron ireklamo ng violation against women kasi, tinitikis na sa mga pamamaraang pinansiyal. Ito ay isang form ng violence na tinatanaw ng batas. at ito ay nag-aaply din sa mga babae kahit hindi sila kasal sa lalake. Itong complaint mo ay maaari mong ihain directa sa Bureau of Immigration -- bilang isang criminal complaint para matakot ang Australiano na ma-deport. Yun nga lang, kapag natakot siyang ma-deport, baka naman lisanin niya ang Pilipinas ng tuluyan, wala ka nang mahabol talaga.
Pinaka-maganda ay ang sumangguni ka muna sa Australian Embassy. Ingat ka, marami akong naririnig na medyo may discrimination sa Australia (kasi ang mga batas nila ay laging nagsasabi na hindi dapat tignan ang race, creed, colour or gender. Kapag ang mga batas nila ay laging may ganitong phrase, ibig sabihin, tanaw ng batas na malakas ang discriminasyon.
Hindi ko naman nilalahat, pero, ang mga puti kasi medyo ang tingin sa mga Pilipina na nakikisama sa mga puti na walang kasal ay mga gold-digger. Mahirap mong kumbinsihin na talagang may loving relationship na nagbago. Pero, yun na nga, kailangang may proof ka. Mga pictures ninyo kasama ang mga bata, magandang proof iyon bukod sa birth certificate or baptismal certificate ng mga bata. Kung may mga sulat, etc. Kailangan mo ng proof.
Kung maaari mong i-print yung facebook screen na nakalagay ang picture noong yaya at yoong partner o, i-print screen mo at ito ay gawin mo ring ebidensiya. Mga text message ay ebidensiya din.
Kumuha ka ng abogado at kung maari ay magsama ka ng abogado sa Australian Embassy. gumawa ka rin ng sulat para may documentation ang iyong pagpunta. para hindi ito mabale-wala ng kinauukulan ng Australia. Subukan mo rin on-line. Ang alam ko ay may online portal sila para maghain ka ng complaint. I-google mo. Balitaan mo rin ako.
