May right humingi support sa asawa? Asking support for adopted child

Ang mag-asawa, sa ilalim ng ating batas ay may obligasyong itaguyod at suportahan ang isa't-isa. Mutual support ang tawag dito. Ngayon, kung pareho kayong nagta-trabaho, ang mutual support ay right and obligation pa rin ninyo sa isa't isa at sa inyong mga supling.

Ang isang batang inampon ay may karapatang tumanggap ng suporta mula sa kanyang mga adoptive parents, pareho din ng karapatan ng isang legitimate na anak. So, kahit na adopted lamang at hindi ninyo biological child iyong inyong anak, may obligasyon pa rin kayo sa kanya na suportahan siya.

Kung ang asawa mo ay hindi na nagpapadala para sa inyong anak, siya'y hindi tumutupad sa kanyang obligasyon. Sa ilalim ng ating batas, ito ay maaaring maging sanhi ng pagsasampa ng isang kasong sibil para singilin at pilitin siyang magpadala ng suporta. Ito rin ay maaaring maging sanhi ng pagsasampa ng isang complaint na criminal sa ilalim ng batas na Violence against women and their children.

Sa ngayon, ang mga lalaking nangangaliwa ay maaaring kasuhan ng kriminal dahil sa pagtanggi nilang sumuporta sa kanilang mga anak. kailangang ikaw ay kumuha ng abogado dito sa Pilipinas o di kaya't maghain ng sumbong sa pulis o sa tanggapan ng Public Prosecutor.