Pag abandona sa kasal... ano ang pwede i-kaso? She wants to end our marriage. Adultery?

Mikhail Faustino
is a Ex OFW in the Philippines

Ano po ang pwede kong gawin sa misis ko na nag abroad at bigla nya na lang tinalikudan ang kasal namin sa dahilang hindi nya maipaliwanag?


Nasa Canada po sya ngayon at hindi nya na ako kinakausap. May isa kaming anak na babae. Bigla na lang po sya tumabang sa relasyon namin at pagtagal ay iniiwasan nya na ako makausap.


Ilan beses ko po siya pilit kinauasap mabuti pero hindi siya naimik sa akin.


Wala po akong ibang babae o ginawa na labag sa relasyon namin pero basta nya na lang ako unti unti iniwan at hindi nya masabi ang dahilan nya.


Nahuli ko din po sa mga pictures nya na hindi nya na sinusuot ang wedding ring namin. Wala pa po akong matibay ibedensya sa ngayon kung may iba ba siyang ka-relasyon dun.


Maaari ko po ba sya kasuhan ng adultery kapag napatunayan ko na may ka-relasyon syang iba kahit nasa Canada sya?


At pwede ko din po ba sya kasuhan sa basta na lang nyang pag abandona sa kasal namin ng walang dahilan?


Ano po ang mga karapatan ko sa ganitong sitwasyon?


Ano po ang mga kasong pwede kong isampa sa kanya kapag nag patuloy ang ganitong sitwasyon namin?


Ikinasal po kami sa munisipyo,


Judge po ang nagkasal sa amin


at may anak po kami na isa na ako ang nag aalaga ngayon.


Dati po akong OFW.


Maraming salamat po at more power po sa site nyo.

Translation: What case can I file against my wife who is in Canada and wants to end our marriage without reason? We have a daughter. I am faithful to her and do not have any other woman. Can I sue her for adultery if there is proof that she has another man?




 

Reply as anonymous (Your real name and picture will not be seen)
Adelaimar C Arias-Jose
is a Legal expert in the Philippines
Isang bagay ang maliwanag mula sa iyong post: nagtataka ka sa kilos ng iyong asawa (na hindi ka na kinakausap). Ito ay inaakala mong indikasyon na siya'y tumalikod na sa inyong marital relationship. Humahanap ka ng mga senyales (hindi pagsusuot ng wedding ring ninyo) na nagpapatunay na ayaw na niyang tanawin na siya'y kasal sa inyo.

Unfortunately, ang paglamig ng pagtitinginan ng mag-asawa ay isa sa pinaka-karaniwang epekto ng pag-a-abroad upang doon magtrabaho. Ayon sa mga dalubhasang sociologist na nagsuri sa mga tahanan ng mga OFW, ang pagka-sira ng pagsasamahan ng mag-asawa ang isa sa pinakamalaking problemang kinahaharap ng mga OFW.

Kung kayo'y kinasal sa isang hues sa munisipyo, malamang sa lehitimo at rehistrado ang inyong kasal. Sa pasaporte ba ng iyong asawa ay nakalagay na siya ay 'married'?

Kasi, sa bansang Canada, ang pasaporte ay isang primary document na di lamang nagpapatunay sa citizenship ng isang tao kundi pati na rin ang kanyang civil status. Dahil sa ang iyong asawa ay Pilipino at siya'y kasal dito sa Pilipinas sa ilalim ng ating mga batas, saklaw siya ng ating mga personal laws (o laws on marriage). Dahil dito, kung siya'y openly na nakikipag-relasyon sa ibang lalaki kahit na siya'y may-asawang tao, siya'y maaaring makasuhan ng adultery.

Ang problema nga lamang nito'y kung ang adultery ay kanyang ginawa sa Canada at nakipag-relasyon siya sa isang lalaki sa Canada, hindi aabot ang mga batas ng Pilipinas sa Canada upang siya'y makasuhan ng adultery doon. Kailanga'y makarating siya dito sa Pilipinas at hanggang dito'y openly siyang makipag-relasyon sa iba. Dito, puede siya'ng makasuhan ng adultery.

Ang adultery ay isang habla o asuntong criminal. Ibang usapan ang isang asuntong civil upang ipa-walambisa ang inyong kasal. Mahirap kasing magbigay ng opinion na hindi ko batid ang lahat ng mga circumstances ng iyong kaso. Pero ito lang ang masasabi ko: ang isang taong kasal ay may obligasyong bigyan ng mapagmahal na atensiyon at pagtingin ang kanyang asawa. Ang hindi niya pagkibo sa iyo ay indikasyong ayaw niya o hindi niya kayang gampanan ang obligasyon ng marriage.

Maraming kadahilanan kung bakit ito nangyayari. Minsan, dahil nga sa malayo kayo sa isa't-isa, nanlalamig ang pag-ibig. Minsan naman, dahil sa may mga tukso sa paligid, nahuhulog ang loob sa iba at feeling guilty siya kung kaya't hindi ka niya kinikibo. Maaari din namang usapang pananalapi ang dahilan -- ayaw na niyang suportahan ikaw or ang kanyang anak. Ang lahat ng mga ito'y kadahilanang hindi maiiwasan, at madalas mangyari sa tunay na buhay. Ngunit sa husgado, ang tanging dahilan lamang na tatanggapin ng batas upang ang isang kasalan ay buwagin dahil sa panlalamig ng damdamin ay dapat mag-ugat sa isang psychological incapacity.

Ibig sabihin, dapat mapatunayang ang iyong asawa, noong kayo'y kinasal ay di batid ang mga obligasyon ng inyong pinasok na kontratang ligal ni ang mga obligasyong kaakibat nito. At ang dahilan na di niya ito batid ay dahil sa may diperensiya sa kanyang pag-iisipa at sa kanyang personalidad na hindi niya magampanan ang lahat ng obligasyon ng pag-aasawa.

Sa mga linguwahe ng mga psychologist, dapat na mapatunayang ang iyong asawa ay may personality disorder na hindi niya ma-fulfill iyong mga expectations ng ating kultura at lipunan.

Napaka-hirap nitong patunayan. Hindi ko nga lang maintindihan kung bakit ang mga batas ng Pilipinas ay nasa mundo pa ng pantasya at wala sa mundo ng realidad -- ang mga damdamin ay nagbabago kung kaya't kung konsepto ng isang tao sa pag-ibig ay base lamang sa damdamin o nararamdamang mga emosyon, kapag nag-bago ang mga situwasyon sa buhay, madalas na nagbabago din ang damdamin. Kaya nga may mga taong kasal pero, wala nang pag-ibig pang nararamdaman sa kanilang kabiyak. Nagsasama lamang sila alang-alang sa kanilang reputasyon, sa kanilang mga anak or kung ano pa mang dahilan. Dahil dito, sa aking opinyon, dapat nang magkaroon ng diborsiyo sa Pilipinas. Ngunit sa ngayo'y wala pang diborsiyo. Kaya't hindi ko tuwirang mabigyan ka ng kasagutang iyong inaasam. We cannot legislate that wives should remain loving and faithful to their husbands. Therefor, women cannot be punished if they fall out of love with their husbands. Only when they commit adultery can they be penalized. Unfortunately, kahit na magtagumpay kang kasuhan ng adultery ang iyong asawa, malamang sa hindi mo na makukuhang pai-bigin pa siya ulit sa iyo. Ang tanging habol mo na lang ay ang tapusin na ang inyong relasyon at nang ikaw man ay maging malaya na rin upang humanap ng ibang magmamahal sa iyo ng tunay.

Hindi ko alam kung ang asawa mo ay immigrant na sa Canada. Kasi, kung siya'y immigrant na doon, maaari siyang magfile ng divorce doon. As long as ikaw ay may notification patungkol sa divorce proceedings, it will be binding upon you as well. Unti-unti nang tinatanggap ng mga husgado sa Pilipinas ang realidad na ang diborsiyo na nakuha ng isang dating Pilipino na legal sa ibang bansa ay dapat na tanawing legal din sa Pilipinas.

Masalimuot ang usapang ito. kailangan mo ng abogadong may specialization sa private international law. Sapagkat ito ay usapin sa ilalim ng 'conflict of laws'.

Ito lamang ang mahalaga (at ang isyung ito ay importante maging sa Pilipinas or sa Canada man)-- dahil sa may anak kayo, kahit na wala na siyang damdamin para sa iyo, hindi niya dapat idamay ang inyong anak. Siya ang nagluwal ng batang iyon kung kaya't dito'y may obligasyon siyang suportahan ang bata.

Ang payo ko sa iyo, magsampa ka ng hablang kriminal laban sa asawa mo kung siya'y hindi nagpapadala ng pinansiyal na suporta para sa inyong anak. Ito ay isang uri ng child abuse sa ilalim ng R.A. 7610.

Humanap ka ng abogadong mapagkakatiwalaan mo. Good luck sa iyo. Remember, a marriage is a contract. A contract is a meeting of minds. kapag wala nang meeting ang minds ng mga partido sa isang kasal, dapat ay wala nang kasal, diba? kasi nga'y hindi na magka-sundo ang dating magsing-irog.
Mikhail Faustino
is a Ex OFW in the Philippines
mahirap po pala ang sitwasyon ko.

kahit po pala mahuli ko sya na may karelasyon ng iba dun
ay hindi ko sya pwede basta sampahan na lang ng kaso.

at kapag nagpunta pala ng ibang bansa ay medaling
makapag aasawa ulit.

nag apply na po sya ng permanent residency.

plano nya po kunin sa akin ang anak namin pagtagal
at maiiwan na po ako ng solo sa buhay ko.

maraming salamat po sa pagsagot at pagpapaliwanag ng mabuti.

About the author

Adelaimar C Arias-Jose

I am a graduate of the UP College of Law. Member of the Integrated Bar of the Philippines since 1995. I am currently involved in private practice in criminal, civil and labor law.
Profession: Lawyer
Adelaimar C. Arias-Jose
Office Address: #34 St. Michael Street
Philippines , Manila , Makati
The medical information contained in this section is not intended for treatment or prescription. It is used to complement, not replace, the communication between a patient and their physician. Reliance on any information provided by BuhayOFW or any medical experts is solely at your own risk. If you have a medical emergency, call your doctor or go to the hospital immediately. BuhayOFW's Medical Review Board is a team of board-certified doctors who ensure our content is medically accurate and reflects the latest in health information. Our experienced board of medical professionals verify that our content is thorough and all-inclusive, in order that you can trust the information you read here will help you through improvements in your health journey—whether that’s for yourself or for a loved one.

Disclaimer: The materials available in the Buhay OFW web site are for informational purposes and not for the purpose of providing legal advice. You should contact your attorney to obtain advice with respect to any particular issue or problem. Use of and access to this Web site or any of the e-mail links contained within the site do not create an attorney-client relationship between Buhay OFW and the user or browser.

If you are a legal expert who would like to help answer questions, please register here.