Naku, masalimuot na situwasyon ito.
Una, depende kasi kung ang lupa ay pag-mamay-ari ng mga magulang mo noong kapanahunan ng kanilang kasal. kasi, kung ganoon, ito ay properties of the marriage.
Kung ang lupa ay property of the marriage, noong namatay ang nanay mo, ang dapat na ginawa ay hinati-hati ng mga heirs ang lupa. Sa ilalim ng batas, ang kalahati ay sa tatay mo, kalahati sa nanay mo. Doon sa kalahati ng nanay mo, maghahati-hati kayong magkaka-patid pati na ang tatay mo (kasi, tagapag-mana kayong lahat ng nanay mo).
Noong nag-asawa ang tatay mo ulit (kasal sila ng legal, hindi basta nagsasama), naging tagapag-mana ng tatay mo ang iyong step-mother. So, ang ari-arian na lamang ng tatay mo, ay iyong kalahati noong lupa (dahil sa ang kalahati ay sa inyo nang magkakapatid, at may bahaging maliit doon ang tatay ninyo). Iyong kalahati plus yung share ng tatay mo doon sa kalahati ng nanay mo ang kabuoang ari-arian ng tatay mo noong mamatay siya.
Ito ang pinag-uusapan. Kung ang tatay mo at step mother ninyo ay kinasal after 1988 (noong maisa-batas ang Family Code) saklaw na ng absolute community of property ang ari-arian ng tatay ninyo. Ibig sabihin, share and share alike sila noong stepmother ninyo.
So, sa hatian, THEORETICALLY, ha? Kalahati noong kalahati (one-fourth bale), ay sa step mother ninyo at doon sa isang one-fourth, hati-hati kayong magkakapatid at step mother ninyo.
Ngayon, kung halimbawa'y bago mag 1988 ang kasal nila, ang naka-sasaklaw sa kanila ay conjugal partnership of gains. So, hindi sila share-and share alike noong step mother ninyo. So, mahalaga ang date kung kailang sila ikinasal.
Marami pang mga konsiderasyon -- halimbawa, kung hindi pa bayad ng buo ang lupa at nabayaran lamang ito in full noong panahon na ng pagsasama noong tatay ninyo at step mother, ibang usapan na iyan.
Ibang usapan din kung may last will and testament. Ibang usapan din kung may extrajudical settlement of estate na kayong nagawa.
As I said, masalimuot ang manahan. naku, madugo pang usapan iyan. Kalimitan ay nagkakasuhan to the death! Ngayon, malaki ba ang lupa? kasi, kung maliit lang, baka naman mag-away-away kayo sa isang lupang ang halaga ay sampung libo lamang -- it's not worth it. Baka mas maganda pa'y ibenta, at paghati-hatian na lamang ang pinagbentahan.
Kailangan ninyong komunsulta sa abogadong espesyalista sa manahan at sa usapang lupa. Sana'y makahanap kayo ng solusyon na hindi na dumudulog sa husgado at nang matiwasay ang inyong mga buhay.